മഹാരാഷ്​ട്രയിൽ ബസ്​ കൊക്കയിലേക്ക് വീണ്​ 33 മരണം

റായ്​ഗഢ്​: മഹാരാഷ്​ട്രയിൽ ബസ്​ കൊക്കയിലേക്ക്​ മറിഞ്ഞ്​ 33 പേർ മരിച്ചു. റായ്​ഗഢിലെ ഫോലാദ്​പൂരിൽ മുംബൈ-ഗോവ ഹൈവേയിലാണ്​​ അപകടമുണ്ടായത്​. മലമ്പാതയിലൂടെ പോവുകയായിരുന്ന ബസ്​ 300 അടി താഴ്​ചയിലേക്ക്​ പതിക്കുകയായിരുന്നു. ശനിയാഴ്​ച രാവിലെ 11.30 ഒാടെയായിരുന്നു അപകടം. 

മഹാബലേശ്വറിലേക്ക്​ വിനോദയാത്രക്ക്​ തിരിച്ച 34 പേരടങ്ങിയ സംഘമാണ്​ ബസിലുണ്ടായിരുന്നത്. കൊങ്കൺ കാർഷിക സർവകലാശാലയ്ക്കു കീഴിലുള്ള ദാപോളി ഡോ. ബാലാസാഹിബ് സാവന്ത് കൊങ്കൺ കൃഷി വിദ്യാപീഠത്തിലെ അധ്യാപകരും വിദ്യാർഥികളുമടങ്ങിയ സംഘമാണ്​ അപകടത്തിൽപെട്ടതെന്നാണ്​ റിപ്പോർട്ട്​. 

എട്ടുപേരുടെ മൃതദേഹം പുറത്തെത്തിച്ചിട്ടുണ്ട്​. ഒരാളെ രക്ഷപ്പെടുത്തിയതായും റിപ്പോർട്ടുണ്ട്​. അപകടത്തിൽ പരിക്കേറ്റ യാത്രക്കാരിലൊരാളാണ് റോഡിലേക്ക് കയറിവന്ന് അപകടവിവരം വഴിയേ പോയവരെ അറിയിച്ചതെന്ന് പൊലീസ്​ പറയുന്നു. ദുരന്തനിവാരണ സേനയുടെയും പുണെ പൊലീസി​​​​​​​​െൻറയും നേതൃത്വത്തിൽ രക്ഷാപ്രവർത്തനം പുരോഗമിക്കുകയാണ്​.