സഹതടവുകാർ ആക്രമിച്ചു: ഡേവിഡ്​ ഹെഡ്​ലി ഗുരുതരാവസ്ഥയിൽ

ന്യൂഡൽഹി: അമേരിക്കയിലെ ജയിലിൽ കഴിയുന്ന മുംബൈ ഭീകരാക്രമണത്തി​​​െൻറ മുഖ്യ ആസൂത്രകൻ ഡേവിഡ്​ കോൾമാൻ ഹെഡ്​ലിയെ സഹതടവുകാർ ആക്രമിച്ചു. ഗുരുതരമായി പരിക്കേറ്റ ഹെഡ്​ലിയെ ആശുപത്രിയിൽ ​െഎ.സി.യു വിലേക്ക്​ മാറ്റി. 

ഷിക്കാഗോയിലെ മെ​ട്രോപൊളിറ്റൻ കറക്​ഷൻ സ​​െൻററിൽ വെച്ച്​ ജൂലൈ എട്ടിനാണ്​ ഹെഡ്​ലിക്ക്​ സഹതടവുകാരിൽ നിന്നും മർദനമേറ്റത്​. ഗുരുതരമായി പരിക്കേറ്റ ഹെഡ്​ലിയെ നോർത്ത്​ ഇവാസ്​റ്റൻ ആശുപത്രിയിൽ പ്രവേശിപ്പിച്ചു. തീവ്രപരിചരണ വിഭാഗത്തിൽ ചികിത്സയിലാണെന്നും അധികൃതർ അറിയിച്ചു.

 ലശ്​കറെ ത്വയ്യിബ ഭീകര​പ്രവർത്തകനായ  പാക്-അമേരിക്കന്‍ വംശജൻ ​ഹെഡ്​ലിയെ മുംബൈ ഭീകരാക്രമണക്കേസിൽ 35 വർഷത്തെ തടവുശിക്ഷക്ക്​ വിധിച്ചിരിക്കയാണ്​. ഭീകരാക്രമണവുമായി ബന്ധപ്പെട്ട മുഴുവന്‍ വിവരങ്ങളും വെളിപ്പെടുത്താമെന്ന ഉറപ്പിൽ ഇയാളെ മാപ്പുസാക്ഷിയാക്കിയിരുന്നു.  ലശ്​കറെ ത്വയ്യിബയും പാക് ചാരസംഘടനയായ ഐ.എസ്.ഐ.യും ചേര്‍ന്നാണ് മുംബൈ ഭീകരാക്രമണം ആസൂത്രണം ചെയ്തതും നടപ്പാക്കിയതുമെന്ന്​ ഹെഡ്​ലി മൊഴി നൽകിയിരുന്നു.