അതിശൈത്യം തുടരുന്നു; ​30 ഓളം ട്രെയിനുകൾ വൈകും

ന്യൂഡൽഹി: വടക്കേ ഇന്ത്യൻ സംസ്ഥാനങ്ങളിൽ അതിശൈത്യം തുടരുന്നു. മൂടൽമഞ്ഞ്​ മൂലം ദൃശ്യപരിധി കുറഞ്ഞതിനാൽ ഡൽഹി, പഞ്ചാബ്​, ഹരിയാന, ബിഹാർ എന്നിവിടങ്ങളിൽ നിന്നുള്ള ട്രെയിൻ സർവീസുകൾ വൈകുമെന്ന്​ ഉത്തരമേഖല റെയിൽ വേ അധികൃതർ അറിയിച്ചു. 29 ട്രെയിനുകളാണ്​ വൈകിയോടുക.

വിമാന സർവീസുകൾക്ക്​ മുടക്കമില്ലെന്ന്​ ഡൽഹി വിമാനത്താവള അധികൃതർ അറിയിച്ചു.

ഝാർഖണ്ഡ്​, ഛത്തീസ്​ഗഢ്​, ഉത്തർപ്രദേശ്​, മധ്യപ്രദേശ്​, കിഴക്കൻ രാജസ്ഥാൻ, ബിഹാർ എന്നീ സംസ്ഥാനങ്ങളിൽ മൂന്നു ഡിഗ്രി സെൽഷ്യസ്​ മുതൽ നാലു ഡിഗ്രിവരെയാണ്​ അനുഭവപ്പെടുന്നത്​.