ജോലി വാഗ്ദാനം ചെയ്ത് 17കാരിയെ പീഢിപ്പിച്ച മൂന്ന് പേർ അറസ്റ്റിൽ

മ്യൂഡൽഹി: മഹാരാഷ്ട്രയിലെ പൽഘറിൽ ജോലി നൽകാമെന്ന് വാഗ്ദാനം ചെയ്ത് 17കാരിയെ പീഡിപ്പിച്ചതായി പരാതി. സംഭവത്തിൽ മൂന്ന് പേരെ പൽഘർ പൊലീസ് അറസ്റ്റ് ചെയ്തു. രണ്ട് പേർക്കെതിരെ തിരച്ചിൽ ഊർജ്ജിതമാക്കി.

പെൺകുട്ടി ജില്ലാ റൂറൽ പൊലീസിൽ നൽകിയ പരാതിയുടെ അടിസ്ഥാനത്തിലാണ് നടപടി. പ്രതികൾക്കെതിരെ ഇന്ത്യൻ ശിക്ഷാ നിയമത്തിലെ 376-ാം വകുപ്പ് പ്രകാരവും പോക്സോ വകുപ്പ് പ്രകാരവും പൊലീസ് കേസ് രജിസ്റ്റർ ചെയ്തിട്ടുണ്ട്.