സ്വിസ്​ ദമ്പതിക​െള ആക്രമിച്ച കേസിൽ അഞ്ചുപേർ അറസ്​റ്റിൽ

ആഗ്ര: ഉത്തർപ്രദേശിൽ സ്വിസ് യുവതിയും സുഹൃത്തും ആക്രമിക്കപ്പെട്ട സംഭവത്തിൽ പ്രായപൂർത്തിയാകാത്ത  മൂന്നു പേരടക്കം അഞ്ചുപേരെ പൊലീസ് അറസ്റ്റ് ചെയ്തു. പ്രതികളെല്ലാം 20 വയസിനു താഴെയുള്ളവരാണെന്ന്​​ ​െപാലീസ്​ പറഞ്ഞു. ഞായറാഴ്ച ഉച്ചക്ക് ശേഷമാണ് ഒരു കൂട്ടം ആളുകൾ സ്വിസ് ദമ്പതികളെ ആയുധങ്ങളും വടിയും കല്ലും ഉപയോഗിച്ച് ആക്രമിച്ചത്. ആക്രമണത്തിൽ ഭർത്താവി​ന്​ സാരമായി പരിക്കേറ്റിരുന്നു. കേൾവിക്ക്​ ഭാഗികമായി തകരാർ സംഭവിക്കുകയും ചെയ്​തു. യുവതിയുടെ ​ൈകക്ക്​ പരിക്കേൽക്കുകയും ​െചയ്​തു.  

സ്വീസ്​ ദമ്പതികൾക്ക്​ പരാതി ഇല്ലെങ്കിലും വ്യാപക വിമർശനമുയർന്നതിനെ തുടർന്ന്​ പൊലീസ്​ സ്വമേധയാ ​േകസെടുക്കുകയായിരുന്നു. ആഗ്രയിലെ റെയിൽവെ ട്രാക്കിലൂടെ നടന്നുപോകവെയാണ് പ്രദേശ നിവാസികളായ യുവാക്കൾ ദമ്പതികളെ ആക്രമിച്ചതെന്ന് ഫത്തേപൂർ സിക്രി പൊലീസ് അറിയിച്ചു. 

ആക്രമിക്കുന്നതിനുമുൻപ് ഇവർ ദമ്പതികളെ ശല്യം ചെയ്തതായും റിപ്പോർട്ടുകളുണ്ട്. സ്വിസ് യുവതിയുമൊത്ത് യുവാക്കൾ സെൽഫിയെടുക്കാൻ ശ്രമിച്ചിരുന്നു. സംഭവത്തിൽ വിദേശകാര്യ മന്ത്രി സുഷമ സ്വരാജ്​ യു.പി മുഖ്യമന്ത്രിയിൽ നിന്ന്​ വിശദീകരണം ആവശ്യപ്പെട്ടു. വിനോദസഞ്ചാരികളു​െട സുരക്ഷ ഉറപ്പുവരുത്തണമെന്ന്​ ടൂറിസം മന്ത്രി അൽഫോൺസ്​ കണ്ണന്താനവും ആവശ്യപ്പെട്ടിരുന്നു.