രാജ്യ തലസ്​ഥാനത്ത്​ വീണ്ടും ക്രൂരത; ഒാടുന്ന കാറിൽ​ 35കാരിയെ പീഡിപ്പിച്ചു

ന്യൂഡൽഹി: രാജ്യ തലസ്​ഥാനത്തുനിന്ന്​ വീണ്ടും ക്രൂരതയുടെ വാർത്ത. ഒാടുന്ന കാറിൽവച്ച്​ 35കാരിയെ രണ്ടുപേർ ചേർന്ന്​ പീഡിപ്പിച്ചു. ഡൽഹി ശാസ്ത്രി നഗറിലാണ്​ സംഭവം റിപ്പോർട്ട്​ ചെയ്​തിരിക്കുന്നത്​. കേസിൽ രണ്ടു​പേരെ അറസ്​റ്റ്​ ചെയ്​തതായി പൊലീസ്​ പറഞ്ഞു. കുറ്റക്കാർശക്കതിരേ ഇന്ത്യൻ ശിക്ഷാ നിയമത്തിലെ 376 (ഡി) (കൂട്ട ബലാത്സംഗം), 506 (ക്രിമിനൽ ഭീഷണിപ്പെടുത്തൽ) എന്നീ വകുപ്പുകൾ പ്രകാരം കേസ് രജിസ്റ്റർ ചെയ്​തതായും പൊലീസ്​ പറഞ്ഞു.

വടക്കുകിഴക്കൻ ഡൽഹിയിലെ ശാസ്ത്രി പാർക്ക് പ്രദേശത്ത് തിങ്കളാഴ്​ച വൈകുന്നേരം 35 കാരിയെ രണ്ടുപേർ ഓടുന്ന കാറിൽ ബലാത്സംഗം ചെയ്യുകയായിരുന്നെന്നും സംഭവം നടന്ന് മണിക്കൂറുകൾക്കകം പ്രതികളെ അറസ്​റ്റ്​ ചെയ്​തതായും പോലീസ് പറഞ്ഞു. പ്രതികളിലൊരാളായ രോഹിതി​െൻറ പേരിലാണ്​ കാർ രജിസ്​റ്റർ ചെയ്​തിരുന്നത്​. ഈ വിവരത്തി​െൻറ അടിസ്ഥാനത്തിലാണ്​ രോഹിതിനെയും കൂട്ടാളിയായ നിതിനെയും പോലീസ് കണ്ടെത്തിയത്​.

ഇരയും പ്രതികളും നോയിഡയിൽ നിന്നുള്ളവരാണെന്ന് പോലീസ് പറഞ്ഞു. രോഹിതും നിതിനും വളരെക്കാലമായി സുഹൃത്തുക്കളായിരുന്നു. ജോലി സംഘടിപ്പിച്ച്​ നൽകാമെന്ന് പറഞ്ഞാണ്​ യുവതിയെ രോഹിത് ഡൽഹിയിലേക്ക് കൊണ്ടുവന്നത്​. നിതിനും അന്ന് അവരെ അനുഗമിച്ചിരുന്നു. കാറും കണ്ടെടുത്തിട്ടുണ്ട്​. പ്രതികളെ ജുഡീഷ്യൽ കസ്റ്റഡിയിൽ വിട്ടു.