വിമാനയാത്രക്കിടെ നാലു മാസം പ്രായമുള്ള കുഞ്ഞ്​ മരിച്ചു

മുംബൈ​: ശ്വാസതടസത്തെ തുടർന്ന്​ നാലുമാസം പ്രായമുള്ള കുഞ്ഞ്​ വിമാനത്തിനുള്ളിൽ മരിച്ചു. രാജസ്ഥാനിലെ ജയ്​പൂരിൽ നിന്നും മുംബൈയിലേക്ക് വന്ന വിമാനത്തിലാണ്​ സംഭവം. സൂറത്തിൽ നിന്നും വിമാനത്തിൽ കയറിയ പ്രീതി ജിൻഡാലി​​​െൻറ മകൾ റിയയാണ്​ മരിച്ചത്​.

കുഞ്ഞ്​ അബോധവസ്ഥയിലായത്​ മാതാവ്​ അറിഞ്ഞിരുന്നില്ല. വിമാനം ലാൻഡ്​ ചെയ്​ത ശേഷവും കുഞ്ഞ്​ ഉണരാത്തതിനെ തുടർന്ന്​ വിമാനജീവനക്കാരുടെ സഹായത്തോടെ എയർപോർട്ടിലെ മെഡിക്കൽ റൂമിൽ എത്തിക്കുകയും കൃത്രിമ ശ്വാസം നൽകാൻ ശ്രമിക്കുകയും ചെയ്​തു. പിന്നീട്​ അടുത്തുള്ള സ്വകാര്യ ആശുപത്രിയിൽ പ്രവേശിപ്പിച്ചെങ്കിലും കുട്ടി മരിച്ചിരുന്നു.

വിമാനത്തിൽ കയറിയശേഷം കുഞ്ഞിനെ പാലൂട്ടിയിരുന്നുവെന്നും പിന്നീട്​ കുഞ്ഞ്​ ഉറങ്ങിയെന്നുമാണ് മാതാവ്​ പറഞ്ഞത്​. വിമാനം ഇറങ്ങിയശേഷമാണ്​ കുഞ്ഞ്​ അബോധവസ്ഥയിലാ​െണന്ന്​ തിരിച്ചറിഞ്ഞ്​ എ.ടി.സിയുടെ സഹായത്തോടെ ആശുപത്രിയിലെത്തിച്ചത്​.

സംഭവത്തിൽ അപകടമരണത്തിന്​ കേസ്​ രജിസ്​റ്റർ ചെയ്​തു. മരണകാരണം വ്യക്തമാകുന്നതിന്​ പോർട്ടമോർട്ടം നടത്തിയതായും സാമ്പിളുകൾ പരിശോധനക്കായി ​ജെ.ജെ ആ​ശുപത്രിയിലേക്ക്​ അയച്ചതായും പൊലീസ്​ പറഞ്ഞു.