വെല്ലൂരിൽ വിദ്യാർഥികളുടെ കൂട്ട ആത്​മഹത്യ

ചെന്നൈ: തമിഴ്നാട്ടിലെ വെല്ലൂരില്‍ വിദ്യാര്‍ഥികളുടെ കൂട്ട ആത്മഹത്യ. അരക്കോണം പണപ്പാക്കം സര്‍ക്കാര്‍ സ്കൂളിലെ നാല് വിദ്യാർഥികളാണ് വെള്ളിയാഴ്​ച കിണറ്റില്‍ ചാടി ജീവനൊടുക്കിയത്. 

രേവതി, ശങ്കരി, ദീപ, മോനിഷ എന്നിവരാണ്​ മരിച്ചത്​. അധ്യാപിക വഴക്ക് പറഞ്ഞതിനാണ് ആത്മഹത്യയെന്നാണ് നിഗമനം.  മോശം പഠനനിലവാരം മൂലം മാതാപിതാക്കളെ കൂട്ടിക്കൊണ്ടുവരാൻ​ നാലുപേരോടും അധ്യാപിക ആവശ്യ​പ്പെട്ടിരുന്നു. നാലു വിദ്യാർഥികളും വെള്ളിയാഴ്​ച ക്ലാസിൽ ഹാജരായിരുന്നില്ല. 

നാലു വിദ്യാർഥികളുടെയും മൃതദേഹം സമീപത്തുള്ള 65 അടി ആഴത്തിലുള്ള കിണറ്റിൽ നിന്ന്​ കണ്ടെത്തിയിട്ടുണ്ട്​. കണ്ടെടുത്തു.