തമിഴ്​നാട്ടിൽ മണൽ ഖനന കമ്പനികളിൽ വ്യാപക റെയ്​ഡ്

ചെന്നൈ: തമിഴ്​നാട്ടിലും ആന്ധ്രാപ്രദേശിലുമുള്ള മണൽ ഖനന കമ്പനികളിൽ വ്യാപക റെയ്​ഡ്​. രണ്ടു സംസ്ഥാനങ്ങളിലായി നാലു മണൽ ഖനന കമ്പനികളുടെ 100 ഒാളം ശാഖകളിലാണ്​ റെയ്​ഡ്​ നടക്കുന്നത്​. മണൽ ഖനനത്തി​​​​​െൻറ മറവിൽ കടൽ ധാതുക്കൾ കയറ്റി അയക്കുന്നുണ്ടെന്ന ആരോപണത്തെ തു​ടർന്നാണ്​ ആധായനികുതി വകുപ്പ്​ പരിശോധന നടത്തുന്നത്​.

ന്യൂസ്​ 7 തമിഴ്​ ചാനൽ ഉടമ എസ്​.വൈകുണ്​ഠരാജ​​​​​െൻറ വി.വി മിനറൽസ്​, സുകുമാരൻ, ചന്ദ്രേശൻ, മണികണ്​ഠൻ എന്നിവരുടെ ഉടമസ്ഥയിലുള്ള മണൽ ഖനന കമ്പനികൾ എന്നിവയിലാണ്​ പരിശോധന നടക്കുന്നത്​. കമ്പനികൾ കരിമണൽ കടത്തും വിദേശത്തേക്ക്​ പണവിനിമയവും നടത്തുന്നുവെന്ന രഹസ്യ വിവരത്തെ തുടർന്നാണ്​ റെയ്​ഡ്​.

വി.വി മിനറൽസ്​ അവർക്ക്​ അനുമതിയുള്ള 40 കിലോമീറ്റർ കടൽതീരത്തു നിന്ന്​ വർഷത്തിൽ ഏഴു ടൺ അമൂല്യ ധാതുക്കൾ കടത്തുന്നതായാണ്​ റിപ്പോർട്ട്​.