സർക്കാർ ജോലികളിൽ സ്​ത്രീകൾക്ക്​ 40% സംവരണം; യു.പിയിൽ സ്​ത്രീകൾക്കായി പ്രകടനപത്രിക പുറത്തിറക്കി കോൺഗ്രസ്​

ലഖ്​നോ: ഉത്തർപ്രദേശിൽ സർക്കാർ​ ജോലികളിൽ സ്​ത്രീകൾക്ക്​ 40 ശതമാനം സംവരണമേർപ്പെടുത്തുമെന്ന്​ ​േകാൺഗ്രസ്​. 2022ലെ യു.പി തെരഞ്ഞെടുപ്പിൽ സ്​ത്രീകൾക്കായുള്ള ​പ്രത്യേക പ്രകടന പത്രിക കോൺഗ്രസ്​ പുറത്തിറക്കി. കോൺഗ്രസ്​ ജനറൽ സെക്രട്ടറിയും യു.പിയുടെ ​പ്രത്യേക ചുമതലയുമുള്ള ​പ്രിയങ്ക ഗാന്ധിയാണ് ലഖ്​നോവിൽ​ പ്രകടന പത്രിക പുറത്തിറക്കിയത്​.

'ശക്തി വിധാൻ മഹിള ഗോഷ്​ന പത്ര' എന്ന പേരിട്ടതാണ്​ പ്രത്യേക മാനിഫെസ്​റ്റോ. ഉത്തർപ്രദേശിൽ കോൺഗ്രസ്​ അധികാരത്തിലെത്തിയാൽ പൊലീസിൽ 25 ശതമാനം സംവരണം സ്​ത്രീകൾക്ക്​ നൽകും.

നേരത്തേ, നിയമസഭ തെരഞ്ഞെടുപ്പിൽ കോൺഗ്രസിലെ 40 ശതമാനം സീറ്റുകളിൽ സ്​ത്രീകളെ മത്സരിപ്പിക്കുമെന്ന്​ പ്രിയങ്ക ഗാന്ധി പ്രഖ്യാപിച്ചിരുന്നു. പൊതുവിതരണ സംവിധാന കടകളിൽ 50 ശതമാനം സ്​ത്രീകൾക്ക്​ അനുവദിക്കും. 12ാം ക്ലാസ്​ വിജയിച്ച വിദ്യാർഥിനികൾക്ക്​ ​സൗജന്യ മൊബൈൽ ഫോണും ബിരുദം പൂർത്തിയാക്കിയ വിദ്യാർഥിനികൾക്ക്​ ഇലക്​ട്രിക്​ സ്​കൂട്ടറും നൽകും.

സ്​ത്രീ ശാക്തീകരണത്തിനായാണ്​ കോൺഗ്രസ്​ പ്രത്യേക പ്രകടന പത്രിക പുറത്തിറക്കിയതെന്ന്​ പ്രിയങ്ക ഗാന്ധി പറഞ്ഞു. സ്​ത്രീകൾക്കെതിരായ വിലങ്ങുതടികൾ തകർക്കാൻ കഴിയുന്ന അന്തരീക്ഷം സൃഷ്​ടിക്കണം. അവർക്ക്​ രാഷ്​ട്രീയത്തി​ലു​ം സമൂഹത്തിലും പൂർണ പങ്കാളിത്തം ലഭിക്കണം. സ്​ത്രീകൾക്കെതിരായ ചൂഷണം അവസാനിപ്പിക്കണം -പ്രിയങ്ക ഗാന്ധി പറഞ്ഞു.

രാഷ്​ട്രീയത്തിലെ സ്​ത്രീ പങ്കാളിത്തം 50 ശതമാനമാക്കി ഉയർത്താനാണ്​ കോൺഗ്രസ്​ ലക്ഷ്യമിടുന്നതെന്ന്​ പ്രകടന പത്രികയിൽ പറയുന്നു.

പൊതു ഗതാഗത സംവിധാനത്തിൽ സ്​ത്രീകൾക്ക്​ സൗജന്യ യാത്ര അനുവദിക്കും. വർഷംതോറും മൂന്ന്​ പാചക വാതക സിലിണ്ടറുകൾ സൗജന്യമായി നൽകും. വിദ്യാർഥിനികൾക്ക്​, പ്രത്യേകിച്ച്​ പാവപ്പെട്ട കുടുംബങ്ങളിൽനിന്നുള്ളവർക്ക്​ സൗജന്യമായി വൈ​ൈഫ അനുവദിക്കും. സ്​ത്രീകൾക്ക്​ സബ്​സിഡി വായ്​പ അനുവദിക്കും. തൊഴിലുറപ്പ്​ പദ്ധതിയുൾപ്പെടെയുള്ള തൊഴിലിടങ്ങളിൽ സ്​ത്രീകളുടെ പങ്കാളിത്തം വർധിപ്പിക്കുമെന്നും കോൺഗ്രസിന്‍റെ പ്രകടന പത്രികയിൽ പറയുന്നു.