രാജസ്ഥാനിൽ ട്രക്കും കാറും കൂട്ടിയിടിച്ച് ആറുപേർ മരിച്ചു

ജയ്പൂർ: രാജസ്ഥാനിലെ ഹനുമാൻഗഡ് ജില്ലയിൽ ട്രക്കും കാറും കൂട്ടിയിടിച്ച് അഞ്ച് പേർ മരിക്കുകയും ഒരാൾക്ക് പരിക്കേൽക്കുകയും ചെയ്തു. ശനിയാഴ്ച രാത്രി റാവത്സർ-സർദാർഷഹർ ഹൈവേയിലായിരുന്നു അപകടം.

മൂന്ന് പേർ സംഭവസ്ഥലത്തും മറ്റ് രണ്ട് പേർ ആശുപത്രിയിൽ വെച്ചും മരിച്ചു. രാജു മേഘ്‌വാൾ, നരേഷ് കുമാർ, ദനാറാം, ബബ്‌ലു, മുരളി ശർമ എന്നിവരാണ് മരിച്ചത്.

പരിക്കേറ്റയാൾ ആശുപത്രിയിൽ ചികിത്സയിൽ തുടരുകയാണ്. അപകടത്തിന് പിന്നാലെ ട്രക്ക് ഡ്രൈവർ സംഭവസ്ഥലത്ത് നിന്ന് ഓടി രക്ഷപ്പെട്ടന്നും ഇയാൾക്ക് വേണ്ടിയുള്ള തിരച്ചിൽ തുടരുകയാണെന്നും പൊലീസ് പറഞ്ഞു.