സ്കൂളിലെ ഉച്ചഭക്ഷണത്തിൽ ഓന്ത്: 50 കുട്ടികൾ ആശുപത്രിയിൽ

പട്ന: ബിഹാറിൽ സ്കൂളിൽ നിന്ന് ഉച്ചഭക്ഷണം കഴിച്ച 50 കുട്ടികൾ ആശുപത്രിയിൽ. സീതാമഢി ജില്ലയിലെ ദുമ്ര ബ്ലോക്കിലെ സർക്കാർ സ്കൂളിലാണ് സംഭവം.

ചൊവ്വാഴ്ച സ്കൂളിൽ നിന്ന് ഉച്ചഭക്ഷണം കഴിച്ച ശേഷം കുട്ടികൾക്ക് വയറുവേദനയും ഛർദ്ദിയും അനുഭവപ്പെടുകയായിരുന്നു. കുട്ടികളെ സദർ ആശുപത്രിയിൽ പ്രവേശിപ്പിച്ചു. ഭക്ഷണത്തിൽ ഓന്തിനെ കണ്ടതായി കുട്ടികൾ പറഞ്ഞെന്നും ആ ഭക്ഷണമാണ് അവർ കഴിച്ചതെന്നും ഡോക്ടർ സുധ പറയുന്നു.

കുട്ടികൾ നീരിക്ഷണത്തിലാണ്. പേടിക്കേണ്ട സാഹചര്യമില്ലെന്ന് ഡോക്ടർ കൂട്ടിച്ചേർത്തു. ഇവരുടെ ആരോഗ്യനില തൃപ്തികരമാണെന്ന് ആശുപത്രി അധികൃതർ അറിയിച്ചു.