അസമിലെ പ്രളയം എട്ട്​ ലക്ഷം പേരെ ബാധിച്ചു; ആറ്​ മരണം

ഗുവാഹത്തി: അസമിൽ പ്രളയം കനത്ത നാശ നഷ്​ടം വിതക്കുന്നു. 27 ജില്ലകളിൽ 21ലും പ്രളയം ബാധിച്ചതോടെ ഏകദേശം എട്ട്​ ലക്ഷം പേരാണ്​ ദുരിതത്തിലായത്​. പ്രളയം മൂലം ഇതുവരെ ആറ്​ പേർക്ക്​ ജീവൻ നഷ്​ടമായിട്ടുണ്ട്​.

അസമിലെ അഞ്ച്​ നദികളും കരകവിഞ്ഞ്​ ഒഴുകുകയാണ്​. ഏകദേശം 27,000 ഹെക്​ടർ കൃഷിഭൂമി പൂർണമായും വെള്ളത്തിൽ മുങ്ങി. ദുരിതബാധിതർക്കായി 68 ക്യാമ്പുകൾ തുറന്നിട്ടുണ്ട്​. 7000 പേരാണ്​ ദുരിതാശ്വാസ ക്യാമ്പുകളിൽ കഴിയുന്നത്​.

അസമിൻെറ അയൽ സംസ്ഥാനമായ അരുണാചൽപ്രദേശിലും മഴ നാശമുണ്ടാക്കി. അരുണാചലിൽ മണ്ണിടിച്ചിലിൽ രണ്ട്​ വിദ്യാർഥികൾ മരിച്ചു. ചൈനീസ്​ അതിർത്തിയോട്​ ചേർന്ന്​ നിൽക്കുന്ന തവാങ്ങിലായിരുന്നു അപകടം.