മുംബൈ മാരത്തണിൽ ഓടുന്നതിനിടെ 64കാരൻ ഹൃദയാഘാതം മൂലം മരിച്ചു

മുംബൈ: മുംബൈ മാരത്തൺ 2020ൽ പ​ങ്കെടുക്കവെ 64കാരൻ ഹൃദയാഘാതത്തെ തുടർന്ന് മരിച്ചു. മുതിർന്ന പൗരന്മാരുടെ വിഭാഗത്തിൽ ഓ ടിക്കൊണ്ടിരുന്ന ഗജനൻ മൽജാൽക്കർ ആണ്​ മരിച്ചത്​. മാരത്തണിൽ പ​ങ്കെടുത്ത്​ നാല്​ കിലോമീറ്റർ ദൂരം ഓടിയെത്തിയപ്പോഴേക്ക്​ തളർന്ന്​ വീഴുകയായിര​ുന്നു. ഉടനെ ബോംബെ ആശുപത്രിയിൽ പ്രവേശിപ്പിച്ചെങ്കിലും മരണം സംഭവിച്ചു.

40 കാരനായ ഹിമാൻഷു താക്കൂർ ഉൾപ്പെടെ രണ്ട് പേരെ കൂടി ഹൃദയാഘാതത്തെ തുടർന്ന് ആശുപത്രിയിൽ പ്രവേശിപ്പിച്ചിരുന്നു​. ഹിമാൻഷു താക്കൂറിനെ ആൻജിയോപ്ലാസ്റ്റിക്ക് വിധേയനാക്കി. മറ്റൊരാൾ ആശുപത്രി വിട്ടു. അർദ്ധ മാരത്തൺ രാവിലെ 5.15നും 10 കിലോമീറ്റർ ഓട്ടം രാവിലെ 6.30നുമായിരുന്നു ആരംഭിച്ചത്​.

മുംബൈയിലെ ഛത്രപതി ശിവജി മഹാരാജ് ടെർമിനസ് (സി.എസ്.ടി) സ്റ്റേഷനിൽ നിന്നാണ് 10കി.മി മാരത്തൺ ആരംഭിച്ചത്.