ഭാര്യയുടെ ചിതയിൽ ചാടി 65കാരൻ മരിച്ചു

ഭവാനിപട്​​ന (ഒഡിഷ): ഭാര്യയുടെ ചിതയിൽ ചാടി 65കാരൻ മരിച്ചു. ഒഡിഷയിലെ കലഹണ്ടി ജില്ലയിലെ സിയാൽജോദിലെ ഗോലമുണ്ടിയിലാണ്​​ സംഭവം. ഗ്രാമപഞ്ചായത്ത്​ മുൻ സമിതി അംഗമായ നിലാമനി സബർ ആണ്​ മരിച്ചത്​. ക​ഴിഞ്ഞ ദിവസം മരിച്ച ഭാര്യ റായ്​ബറി‍െൻറ ചിതയിലേക്കു​ ചാടുകയായിരുന്നു.

സംസ്​കാരച്ചടങ്ങുകളോടനുബന്ധിച്ച്​ കൂടെയുണ്ടായിരുന്ന നാലു മക്കളും കുളിക്കാൻ പോയ സമയത്താണ്​ നിലാമനി സബർ ചിതയിലേക്ക്​ എടുത്തുചാടിയത്​. തൽക്ഷണം മരിച്ചു. ഭാര്യയുടെ വിയോഗത്തി​‍െൻറ ദുഃഖാധിക്യത്താൽ അദ്ദേഹം തീയിലേക്ക്​ ചാടുകയായിരുന്നുവെന്നും ദൃക്​സാക്ഷികളുടെ മൊഴികളുടെ അടിസ്​ഥാനത്തിൽ അസാധാരണ മരണത്തിന്​ കേസെടുത്തതായും പൊലീസ്​ അറിയിച്ചു.