ഇന്ത്യയിൽ ചേരികളിൽ 6.54 കോടി മനുഷ്യർ; കൂടുതൽ മഹാരാഷ്ട്രയിൽ, കുറവ് കേരളത്തിൽ
text_fieldsന്യൂഡൽഹി: രാജ്യത്ത് ചേരികളിൽ താമസിക്കുന്നത് 6.54 കോടി മനുഷ്യർ. 1,08,227 ചേരികളിൽ 1.39 കോടി കുടുംബങ്ങളിലായാണ് ഇവർ കഴിയുന്നത്. കേരളത്തിൽ നിന്നുള്ള എം.പി എ.എ റഹീമിന് കേന്ദ്ര ഭവന, നഗരകാര്യ മന്ത്രാലയ സഹമന്ത്രി കൗശൽ കിഷോർ രാജ്യസഭയിൽ നൽകിയ മറുപടിയിലാണ് ഈ കണക്ക് വ്യക്തമാക്കിയത്.
ചേരികളിൽ കഴിയുന്ന മനുഷ്യരുടെ എണ്ണം ഏറ്റവും കൂടുതൽ ബി.ജെ.പി ഭരിക്കുന്ന മഹാരാഷ്ട്രയിലും ഏറ്റവും കുറവ് കേരളത്തിലുമാണ്. കേരളത്തിൽ 45,417 കുടുംബങ്ങളാണ് ചേരികളിൽ താമസിക്കുന്നത്.
ബി.ജെ.പി ഭരിക്കുന്ന സംസ്ഥാനങ്ങളിൽ മഹാരാഷ്ട്ര - 24,99,948, മധ്യപ്രദേശ് - 11,17,764, ഉത്തർപ്രദേശ് - 10,66,363, കർണാടക - 7,07,662 എന്നിങ്ങനെയാണ് ചേരിയിൽ കഴിയുന്ന കുടുംബങ്ങളുടെ കണക്ക്.
ബി.ജെ.പി മാതൃകയായി ഉയർത്തിക്കാണിക്കുന്ന ഗുജറാത്തിൽ ചേരികളിൽ താമസിക്കുന്ന കുടുംബങ്ങളുടെ എണ്ണം 3,45,998 ആണ്. സൂറത്ത് നഗരത്തിൽ മാത്രം 4,67,434 പേർ ഇപ്പോഴും ചേരികളിലാണ്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.