മഹാരാഷ്ട്രയിൽ ഇന്നലെമാത്രം കോവിഡ് സ്ഥിരീകരിച്ചത് 811 പേർക്ക്
text_fields
മുംബൈ: മഹാരാഷ്ട്രയിൽ ശനിയാഴ്ച മാത്രം റിപ്പോർട്ട് ചെയ്തത് 811 കോവിഡ് കേസുകൾ. ഒരു ദിവസം ഇത്രയും പേർക്ക് രോഗം സ്ഥിരീകരിക്കുന്നത് ഇതാദ്യമായാണ്.ഇതോടെ കോവിഡ് ബാധിതരുടെ എണ്ണം 7628 ആയി.
22 പേർ കൂടി ഇന്നലെ മരിച്ചതോടെ മഹാരാഷ്ട്രയിൽ ഇതുവരെ 323 പേരാണ് മരിച്ചത്. സംസ്ഥാനത്ത് 7628പേർക്ക് േകാവിഡ് സ്ഥിരീകരിച്ചതിൽ 5,049 പേരും മുംബൈയിലാണ്. മുംബൈയിൽ മാത്രം 191പേർ മരിക്കുകയും ചെയ്തു. ശനിയാഴ്ച 119 പേർ രോഗമുക്തിനേടി ആശുപത്രി വിട്ടു. 1076 പേർ ഇതുവരെ രോഗമുക്തി നേടി.
1,08,972 സാമ്പിളുകളാണ് സംസ്ഥാനത്ത് ഇതുവരെ പരിശോധനക്ക് അയച്ചത്. സംസ്ഥാനത്ത് 555 തീവ്ര രോഗബാധിത മേഖലകളാണുള്ളത്. 1,25,393 പേർ വീട്ടുനിരീക്ഷണത്തിലും 8124 പേർ ആശുപത്രികളിലും നിരീക്ഷണത്തിലുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
