സെപ്​റ്റംബർ എട്ടിന്​ ചെന്നൈയിലും അതിർത്തി ജില്ലകളിലും ഒാണാവധി

ചെന്നൈ: തിരുവോണ ദിനമായ സെപ്​റ്റംബർ എട്ടിന്​ ചെന്നൈയിലും കേരളത്തോട് അതിർത്തി പങ്കിടുന്ന സർക്കാർ ഓഫിസുകൾക്കും വിദ്യാഭ്യാസ സ്ഥാപനങ്ങൾക്കും പ്രാദേശിക അവധി പ്രഖ്യാപിച്ചു. പകരം സെപ്​റ്റംബർ 17 ശനിയാഴ്ച പ്രവൃത്തി ദിവസമായിരിക്കുമെന്ന്​ ചെന്നൈ ജില്ല കലക്ടർ അമൃതജ്യോതി അറിയിച്ചു.

കേരളാതിർത്തിയോട്​ ചേർന്ന കോയമ്പത്തൂർ, നീലഗിരി, കന്യാകുമാരി തുടങ്ങിയ ജില്ലകളിലും അവധിയായിരിക്കും. 2008 മുതലാണ്​ തമിഴ്​നാട്​ സർക്കാർ തിരുവോണത്തിന്​ അവധി പ്രഖ്യാപിച്ച്​ തുടങ്ങിയത്​.