പൂണെയിൽ ട്രക്കിൽ കാറിടിച്ച്​ ഒമ്പത്​ വിദ്യാർഥികൾ മരിച്ചു

പൂണെ: ട്രക്കിലേക്ക്​ കാർ ഇടിച്ച്​ കയറി പൂണെയിൽ ഒമ്പത്​ മരണം. ശനിയാഴ്​ച പുലർച്ചെ പൂണെ-സോളാപൂർ ഹൈവേയിലായിരുന് നു അപകടം. പൂണെയിൽ നിന്ന്​ 20 കിലോ മീറ്റർ അകലെ കദംവാക്​ വാസ്​തിയിലാണ്​ അപകടമുണ്ടായത്​.

രാജ്​ഗ്രാഹിൽ നിന്ന്​ യുവാതിലേക്ക്​ തിരികെ വരുന്നവരാണ്​ സോലാപൂരിന്​ സമീപം അപകടത്തിൽപ്പെട്ടത്​. ട്രക്കിലേക്ക്​ കാർ ഇടിച്ചു കയറുകയായിരുന്നുവെന്ന്​ പൊലീസ്​ അറിയിച്ചു. 19 മുതൽ 23 വയസ്​ വരെ പ്രായമുള്ളവരാണ്​ അപകടത്തിൽ മരിച്ചത്​. മൃതദേഹങ്ങൾ പോസ്​​റ്റ്​മാർട്ടത്തിന്​ ശേഷം ബന്ധുക്കൾക്ക്​ വിട്ടുനൽകുമെന്ന്​ അധികൃതർ അറിയിച്ചു.