ആദായനികുതി റെയ്ഡിൽ പിടിച്ചത് 94 കോടി

ബം​ഗ​ളൂ​രു: ഒ​ക്ടോ​ബ​ർ 12 മു​ത​ൽ ക​ർ​ണാ​ട​ക, തെ​ല​ങ്കാ​ന, ആ​ന്ധ്ര​പ്ര​ദേ​ശ്, ഡ​ൽ​ഹി എ​ന്നി​വി​ട​ങ്ങ​ളി​ലെ 55 കേ​ന്ദ്ര​ങ്ങ​ളി​ൽ ആ​ദാ​യ​നി​കു​തി വ​കു​പ്പ് ന​ട​ത്തി​യ റെ​യ്ഡി​ൽ ക​ണ​ക്കി​ൽ​പെ​ടാ​ത്ത 94 കോ​ടി രൂ​പ ക​ണ്ടെ​ടു​ത്തു. സ​ർ​ക്കാ​ർ ക​രാ​റു​കാ​ർ, റി​യ​ൽ എ​സ്റ്റേ​റ്റ് സ്ഥാ​പ​ന​ങ്ങ​ൾ എ​ന്നി​വി​ട​ങ്ങ​ളി​ലാ​യി​രു​ന്നു റെ​യ്ഡ്. എ​ട്ടു​കോ​ടി​യു​ടെ സ്വ​ർ​ണ-​വ​ജ്ര ആ​ഭ​ര​ണ​ങ്ങ​ൾ, 30 ആ​ഡം​ബ​ര വാ​ച്ചു​ക​ൾ, നി​ര​വ​ധി രേ​ഖ​ക​ൾ എ​ന്നി​വ​യും ക​ണ്ടെ​ടു​ത്തു.

അ​ഞ്ചു സം​സ്ഥാ​ന​ങ്ങ​ളി​ൽ ന​ട​ക്കാ​നി​രി​ക്കു​ന്ന നി​യ​മ​സ​ഭ തെ​ര​ഞ്ഞെ​ടു​പ്പി​ൽ ഉ​പ​യോ​ഗി​ക്കാ​നാ​യി പ​ണം സൂ​ക്ഷി​ച്ചി​ട്ടു​ണ്ടെ​ന്ന വി​വ​ര​ങ്ങ​ളു​ടെ അ​ടി​സ്ഥാ​ന​ത്തി​ലാ​ണ് ബം​ഗ​ളൂ​രു​വി​ൽ റെ​യ്ഡ് ന​ട​ത്തി​യ​തെ​ന്ന് അ​ധി​കൃ​ത​ർ പ​റ​ഞ്ഞു. സ്വ​കാ​ര്യ സ്ഥാ​പ​ന​ത്തി​ലെ ജോ​ലി​ക്കാ​ര​നി​ൽ​നി​ന്നാ​ണ് 30 വി​ദേ​ശ​നി​ർ​മി​ത ആ​ഡം​ബ​ര റി​സ്റ്റ് വാ​ച്ചു​ക​ൾ പി​ടി​ച്ച​ത്. ഈ ​വാ​ച്ചു​ക​ളു​ടെ വി​ൽ​പ​ന​യു​മാ​യി ബ​ന്ധ​പ്പെ​ട്ട ബി​സി​ന​സ് ഉ​ള്ള​യാ​ള​ല്ല ഇ​യാ​ൾ.

വ്യാ​ഴാ​ഴ്ച ബം​ഗ​ളൂ​രു​വി​​ലെ സ​ഹ​കാ​ർ ന​ഗ​ർ, സ​ഞ്ജ​യ് ന​ഗ​ർ എ​ന്നി​വി​ട​ങ്ങ​ളി​ലെ റി​യ​ൽ എ​സ്​​റ്റേ​റ്റ് സ്ഥാ​പ​ന​ങ്ങ​ളു​മാ​യി ബ​ന്ധ​പ്പെ​ട്ട 25 ഇ​ട​ങ്ങ​ളി​ലാ​ണ് റെ​യ്ഡി​ന് തു​ട​ക്ക​മി​ട്ട​ത്. തു​ട​ർ​ന്നാ​ണ് ക​രാ​റു​കാ​രി​ലേ​ക്ക് നീ​ണ്ട​ത്. അ​തേ​സ​മ​യം, ബം​ഗ​ളൂ​രു​വി​ൽ പ്ര​മു​ഖ ക​രാ​റു​കാ​ര​ന്റെ ഫ്ലാ​റ്റി​ൽ നി​ന്ന് 42 കോ​ടി രൂ​പ പി​ടി​ച്ചെ​ടു​ത്ത സം​ഭ​വ​ത്തി​ൽ ബി.​ജെ.​പി​യും കോ​ൺ​ഗ്ര​സും വാ​ഗ്വാ​ദം തു​ട​രു​ക​യാ​ണ്.

ക​ഴി​ഞ്ഞ ബി.​ജെ.​പി സ​ർ​ക്കാ​റി​നെ​തി​രെ ‘40 ശ​ത​മാ​നം ക​മീ​ഷ​ൻ’ ആ​രോ​പ​ണം ഉ​ന്ന​യി​ച്ച​തി​ൽ പ്ര​ധാ​നി​യാ​യ പ്ര​മു​ഖ ക​രാ​റു​കാ​ര​ൻ ആ​ർ. അം​ബി​കാ​പ​തി​യു​ടെ ആ​ർ.​ടി ന​ഗ​റി​ന​ട​ത്ത ആ​ത്മാ​ന​ന്ദ കോ​ള​നി​യി​ലെ ഫ്ലാ​റ്റി​ൽ​നി​ന്ന് 20 ​കാ​ർ​ഡ്ബോ​ഡു​ക​ളി​ൽ കി​ട​ക്ക​ക്ക​ടി​യി​ൽ സൂ​ക്ഷി​ച്ച നി​ല​യി​ലാ​യി​രു​ന്നു നോ​ട്ടു​കെ​ട്ടു​ക​ൾ. മു​ൻ ബി.​ജെ.​പി മ​ന്ത്രി മു​നി​ര​ത്ന​ക്കെ​തി​രാ​യ അ​ഴി​മ​തി ആ​രോ​പ​ണ​വു​മാ​യി ബ​ന്ധ​പ്പെ​ട്ട മാ​ന​ന​ഷ്ട​ക്കേ​സി​ൽ ഇ​യാ​ൾ അ​റ​സ്റ്റി​ലു​മാ​യി​രു​ന്നു. പു​ലി​കേ​ശി​ന​ഗ​റി​ലെ മു​ൻ കോ​ൺ​ഗ്ര​സ് എം.​എ​ൽ.​എ​യാ​യ ആ​ർ. അ​ഖ​ണ്ഡ ശ്രീ​നി​വാ​സ മൂ​ർ​ത്തി​യു​ടെ ബ​ന്ധു​വാ​ണ് അം​ബി​കാ​പ​തി.