ബൈക്കിൽ തിരിഞ്ഞിരുന്ന് കെട്ടിപ്പിടിച്ച് ദമ്പതികളുടെ യാത്ര; 8000 രൂപ പിഴയിട്ട് പൊലീസ്

ലഖ്നോ: ദേശീയപാതയിലൂടെ ബൈക്കിൽ അപകടകരമായ രീതിൽ കെട്ടിപ്പിടിച്ച് യാത്ര ചെയ്ത ദമ്പതികൾക്ക് 8000 രൂപ പിഴ. ദിവസങ്ങൾക്ക് മുമ്പ് ഉത്തർപ്രദേശിലെ ഹാപൂരിൽ ദേശീയപാത 9ലൂടെയായിരുന്നു ദമ്പതികളുടെ യാത്ര. മുൻസീറ്റിൽ പിറകിലേക്ക് തിരിഞ്ഞിരുന്ന് ഭർത്താവിനെ കെട്ടിപ്പിടിച്ചായിരുന്നു യുവതിയുടെ യാത്ര. ഇരുവരും ഹെൽമറ്റിട്ടിരുന്നില്ല.

സംഭവത്തിന്റെ വിഡിയോ സമൂഹ മാധ്യമങ്ങളിൽ വൈറലായതോടെ ഹാപൂർ പൊലീസ് കേസെടുക്കുകയും പിഴയിടുകയുമായിരുന്നു. ദമ്പതികൾക്കെതിരെ നിയമനടപടികളും ആരംഭിച്ചിട്ടുണ്ട്.