ഭോലെ ബാബക്കെതിരെ പീഡനക്കേസും; പൊലീസ് സുരക്ഷ മുൻകരുതലെടുത്തില്ലെന്ന് കോൺഗ്രസ്

ഹാ​ഥ​റ​സ്: 121 പേ​രു​ടെ മ​ര​ണ​ത്തി​നി​ട​യാ​ക്കി​യ സ​ത്സം​ഗ് സം​ഘ​ടി​പ്പി​ച്ച ആ​ൾ​ദൈ​വം ഭോ​ലെ ബാ​ബ​ക്കെ​തി​രെ ഉ​ത്ത​ർ​പ്ര​ദേ​ശി​ലെ​യും രാ​ജ​സ്ഥാ​നി​ലെ​യും വി​വി​ധ സ്റ്റേ​ഷ​നു​ക​ളി​ൽ നി​ര​വ​ധി കേ​സു​ക​ൾ. ലൈം​ഗി​ക പീ​ഡ​ന​ക്കേ​സും ഇ​ക്കൂ​ട്ട​ത്തി​ലു​ണ്ട്. യു.​പി​യി​ൽ ആ​ഗ്ര, ഇ​ഠാ​വ, കാ​സ്ഗ​ഞ്ജ്, ഫാ​റൂ​ഖാ​ബാ​ദ് എ​ന്നി​വി​ട​ങ്ങ​ളി​ലാ​ണ് കേ​സ് ര​ജി​സ്റ്റ​ർ ചെ​യ്തി​ട്ടു​ള്ള​ത്. എ​ന്നാ​ൽ, ആ​ത്മീ​യ​ത​യു​ടെ മ​റ​വി​ലു​ള്ള രാ​ഷ്ട്രീ​യ സ്വാ​ധീ​നം മു​ത​ലെ​ടു​ത്ത് ഇ​യാ​ൾ ​പ്രാ​ർ​ഥ​ന ച​ട​ങ്ങു​ക​ളു​മാ​യി മു​ന്നോ​ട്ടു​പോ​കു​ക​യാ​യി​രു​ന്നു.

കാ​സ്ഗ​ഞ്ജി​ലെ ബ​ഹാ​ദു​ർ ന​ഗ​ർ സ്വ​ദേ​ശി​യാ​യ ഭോ​ലെ ബാ​ബ നേ​ര​ത്തെ പൊ​ലീ​സി​ലാ​ണ് ജോ​ലി ചെ​യ്തി​രു​ന്ന​ത്. സൂ​ര​ജ് പാ​ൽ എ​ന്നാ​ണ് യ​ഥാ​ർ​ഥ​ പേ​ര്. 1997ൽ ​പീ​ഡ​ന​ക്കേ​സി​ൽ ശി​ക്ഷി​ക്ക​പ്പെ​ട്ട് ജ​യി​ലി​ലാ​യി. പു​റ​ത്തി​റ​ങ്ങി​യ ഇ​യാ​ൾ പി​ന്നീ​ട് ജ​ഗ​ദ്ഗു​രു സാ​ക​ർ വി​ശ്വ​ഹ​രി എ​ന്ന പേ​രി​ൽ ഭോ​ലെ ബാ​ബ​യാ​യി സ്വ​യം പ്ര​ഖ്യാ​പി​ത ആ​ൾ​ദൈ​വം ച​മ​യു​ക​യാ​യി​രു​ന്നു. ഉ​ത്ത​രേ​ന്ത്യ​യി​ലു​ട​നീ​ളം ല​ക്ഷ​ക്ക​ണ​ക്കി​ന് അ​നു​യാ​യി​ക​ളാ​ണ് ഇ​യാ​ൾ​ക്കു​ള്ള​ത്. വി​വി​ധ​യി​ട​ങ്ങ​ളി​ൽ ഇ​ട​ക്കി​ടെ ഇ​ത്ത​രം സ​ത്സം​ഗ് സം​ഘ​ടി​പ്പി​ക്കാ​റു​ണ്ട്.

അ​തേ​സ​മ​യം, ഹാ​ഥ​റ​സി​ലെ ച​ട​ങ്ങി​ന് പൊ​ലീ​സ് വേ​ണ്ട​ത്ര സു​ര​ക്ഷ മു​ൻ​ക​രു​ത​ലെ​ടു​ത്തി​ല്ലെ​ന്ന ആ​രോ​പ​ണ​വു​മാ​യി സം​സ്ഥാ​ന കോ​ൺ​ഗ്ര​സ് നേ​താ​ക്ക​ൾ രം​ഗ​ത്തെ​ത്തി. 80,000 പേ​ർ​ക്ക് മാ​ത്രം പ​​ങ്കെ​ടു​ക്കാ​ൻ അ​നു​മ​തി​യു​ണ്ടാ​യി​രു​ന്ന പ​രി​പാ​ടി​യി​ലേ​ക്ക് ദി​വ​സ​ങ്ങ​ളാ​യി വി​വി​ധ സം​സ്ഥാ​ന​ങ്ങ​ളി​ൽ ബ​സു​ക​ളി​ൽ ആ​ളെ​ത്തി​യി​രു​ന്നു. ഇ​വ​രെ നി​യ​ന്ത്രി​ക്കാ​ൻ പൊ​ലീ​സ് സ്ഥ​ല​ത്തെ​ത്തി​യി​രു​ന്നി​ല്ല. സം​ഘാ​ട​ക​ർ ഏ​ർ​പ്പെ​ടു​ത്തി​യ വ​ള​ന്റി​യ​ർ​മാ​രാ​ണ് കാ​ൺ​പൂ​ർ-​കൊ​ൽ​ക്ക​ത്ത ഹൈ​വേ​യി​ലെ ഗ​താ​ഗ​ത​വും നി​യ​ന്ത്രി​ച്ചി​രു​ന്ന​ത്. മ​രി​ച്ച​വ​രി​ലേ​റെ​യും നി​ർ​ധ​ന കു​ടും​ബ​ങ്ങ​ളി​ൽ​നി​ന്നു​ള്ള സ്ത്രീ​ക​ളാ​ണ്.