ക​ലാ​പ​ത്തി​ന്റെ​യും വെ​ടി​യു​ണ്ട​യു​ടെ​യും ഓ​ർ​മ​യു​റ​ങ്ങു​ന്ന ഇ​ര​ട്ട​ന​ഗ​ര മ​ണ്ഡ​ലം

ഇ​ന്ത്യ​ൻ ജ​നാ​ധി​പ​ത്യ​ത്തി​​ന്റെ ഇ​രു​ണ്ട ഏ​ടു​ക​ളി​ലൊ​ന്നാ​യ എം.​എം. ക​ൽ​ബു​ർ​ഗി കൊ​ല്ല​പ്പെ​ട്ട​തി​ന്​ സാ​ക്ഷി​യാ​യ മ​ണ്ണാ​ണ്​ ധാ​ർ​വാ​ഡി​​ന്റേ​ത്. ആ​വി​ഷ്​​കാ​ര സ്വാ​ത​ന്ത്ര്യ​ങ്ങ​ളു​ടെ നെ​റ്റി​യി​ലേ​ക്കു​തി​ർ​ന്ന വെ​ടി​യു​ണ്ട​ക​ൾ ക​ൽ​ബു​ർ​ഗി​യെ​യും കീ​ഴ​ട​ക്കി​യ​ത്​ ധാ​ർ​വാ​ഡി​ലെ വീ​ട്ടി​ൽ​വെ​ച്ചാ​യി​രു​ന്നു.

വ​ട​ക്ക​ൻ ക​ർ​ണാ​ട​ക​യി​ലെ മ​റ്റേ​തൊ​രു മ​ണ്ഡ​ല​ത്തെ പോ​ലെ​യും ഹി​ന്ദു​ത്വ ശ​ക്തി​ക​ൾ​ക്ക്​ സ്വാ​ധീ​ന​മു​ള്ള മ​ണ്ഡ​ല​മാ​ണ്​ ധാ​ർ​വാ​ഡും. കേ​ന്ദ്ര​മ​ന്ത്രി പ്ര​ൾ​ഹാ​ദ് ജോ​ഷി ബി.​ജെ.​പി​ക്കാ​യി നാ​ലാം ത​വ​ണ​യും മ​ത്സ​ര​ത്തി​നി​റ​ങ്ങു​മ്പോ​ൾ യൂ​ത്ത് കോ​ൺ​​ഗ്ര​സ് നേ​താ​വാ​യ പു​തു​മു​ഖ​ക്കാ​ര​ൻ വി​നോ​ദ് അ​സു​തി​യാ​ണ് കോ​ൺ​​ഗ്ര​സി​നാ​യി ക​ള​ത്തി​ലി​റ​ങ്ങു​ന്ന​ത്.

ധാ​ർ​വാ​ഡി​ന്റെ ഇ​ര​ട്ട ന​ഗ​ര​മാ​യ ഹു​ബ്ബ​ള്ളി​യി​ൽ അ​ടു​ത്തി​ടെ ന​ട​ന്ന കോ​ള​ജ് വി​ദ്യാ​ർ​ഥി​നി​യു​ടെ കൊ​ല​പാ​ത​ക​വു​മാ​യി ബ​ന്ധ​പ്പെ​ട്ട് വ​ർ​ഗീ​യ മു​ത​ലെ​ടു​പ്പി​ന് ബി.​ജെ.​പി ശ്ര​മി​ക്കു​ന്നു​ണ്ട്. സം​ഭ​വ​ത്തി​ൽ ‘ല​വ് ജി​ഹാ​ദ്’ ആ​രോ​പ​ണ​മു​യ​ർ​ത്തി​യ ബി.​ജെ.​പി തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ലും അ​തേ​റ്റു​പി​ടി​ക്കു​ക​യാ​ണ്.

ബാ​ബ​രി കാ​ല​ത്തെ പ​ഴ​യ ഹു​ബ്ബ​ള്ളി ഈ​ദ്ഗാ​ഹ് മൈ​താ​ൻ സം​ഭ​വ​ങ്ങ​ളും പി​ന്നീ​ട് ന​ട​ന്ന ക​ലാ​പ​ങ്ങ​ളും ഒ​രു മു​റി​പ്പാ​ടാ​യി ശേ​ഷി​ക്കു​ന്നു. അ​ന്ന് ബി.​ജെ.​പി​ക്കു​വേ​ണ്ടി മു​ന്നി​ൽ​നി​ന്ന് ന​യി​ച്ച​യാ​ളാ​ണ് ആ​ർ.​എ​സ്.​എ​സ് നേ​താ​വാ​യ പ്ര​ൾ​ഹാ​ദ് ജോ​ഷി.

മ​ണ്ഡ​ല പു​ന​ർ​നി​ർ​ണ​യ​ത്തി​ന്​ മു​മ്പും ശേ​ഷ​വു​മാ​യി തു​ട​ർ​ച്ച​യാ​യി ആ​റു തെ​ര​ഞ്ഞെ​ടു​പ്പു​ക​ളി​ൽ ധാ​ർ​വാ​ഡി​ൽ ബി.​ജെ.​പി​യാ​ണ്​ ഭ​രി​ക്കു​ന്ന​ത്. ധാ​ർ​വാ​ഡ്​ നോ​ർ​ത്താ​ണ്​ പ​ഴ​യ മ​ണ്ഡ​ലം. 1952 മു​ത​ൽ 1991ലെ ​തെ​ര​ഞ്ഞെ​ടു​പ്പ്​ വ​രെ കോ​ൺ​ഗ്ര​സ്​ കു​ത്ത​ക​യാ​ക്കി​യ മ​ണ്ഡ​ലം. പി​ന്നീ​ട്​ വി​ജ​യ്​ സം​ഗേ​ശ്വ​റും പ്ര​ൾ​ഹാ​ദ്​ ജോ​ഷി​യും ബി.​ജെ.​പി​ക്കാ​യി ഹാ​ട്രി​ക്​ ജ​യം നേ​ടി മ​ണ്ഡ​ലം കു​ത്ത​ക​യാ​ക്കി. കാ​ര്യ​മാ​യ അ​ടി​യൊ​ഴു​ക്കി​ല്ലാ​ത്ത മ​ണ്ഡ​ല​ത്തി​ൽ ഇ​ത്ത​വ​ണ​യും മ​ണ്ഡ​ലം ബി.​ജെ.​പി നി​ല​നി​ർ​ത്താ​നാ​ണ്​ സാ​ധ്യ​ത. വീ​ര​ശൈ​വ

ലിം​​ഗാ​യ​ത്ത് വി​ഭാ​​ഗ​ത്തോ​ടു​ള്ള പ്ര​ൾ​ഹാ​ദ് ജോ​ഷി​യു​ടെ സ​മീ​പ​ന​ത്തി​ൽ പ്ര​തി​ഷേ​ധി​ച്ച് ലിം​​ഗാ​യ​ത്ത് സ്വാ​മി ഫ​ക്കീ​ർ ദിം​​ഗ​ലേ​ശ്വ​ർ സ്വ​ത​ന്ത്ര സ്ഥാ​നാ​ർ​ഥി​യാ​യി നാ​മ​നി​ർ​ദേ​ശ​പ​ത്രി​ക സ​മ​ർ​പ്പി​ച്ച​ത് ഇ​രു പാ​ർ​ട്ടി​ക​ളെ​യും പ്ര​തി​രോ​ധ​ത്തി​ലാ​ക്കി​യി​രു​ന്നു. ഇ​ക്ക​ഴി​ഞ്ഞ ദി​വ​സം അ​ദ്ദേ​ഹം പ​ത്രി​ക പി​ൻ​വ​ലി​ച്ചെ​ങ്കി​ലും ലിം​ഗാ​യ​ത്ത് സ​മു​ദാ​യ​ത്തി​നെ​തി​രെ​യു​ള്ള ജോ​ഷി​യു​ടെ സ​മീ​പ​ന​ത്തോ​ടു​ള്ള ധ​ർ​മ​യു​ദ്ധം തു​ട​രു​മെ​ന്നും അ​ദ്ദേ​ഹം വ്യ​ക്ത​മാ​ക്കി​യി​രു​ന്നു.

പ​ത്രി​ക പി​ൻ​വ​ലി​ച്ച സാ​ഹ​ച​ര്യ​ത്തി​ൽ പ്ര​ൾ​ഹാ​ദ് ജോ​ഷി​ക്കെ​തി​രെ സ്വാ​മി​യു​ടെ പി​ന്തു​ണ ഉ​റ​പ്പാ​ക്കാ​നാ​ണ് കോ​ൺ​​ഗ്ര​സ് നീ​ക്കം. അ​തോ​ടൊ​പ്പം 18 ല​ക്ഷം വോ​ട്ട​ർ​മാ​രി​ൽ 10 ല​ക്ഷ​ത്തോ​ളം വ​രു​ന്ന അ​ഹി​ന്ദു വോ​ട്ടു​ക​ളു​ടെ ഏ​കീ​ക​ര​ണ​ത്തി​നാ​യും കോ​ൺ​​ഗ്ര​സ് പ​ണി​യെ​ടു​ക്കു​ന്നു​ണ്ട്. 2004 മു​ത​ൽ മ​ണ്ഡ​ല​ത്തെ പ്ര​തി​നി​ധീ​ക​രി​ക്കു​ന്ന ജോ​ഷി മ​ണ്ഡ​ല​ത്തി​ലെ ത​ന്റെ വി​ക​സ​ന പ്ര​വ​ർ​ത്ത​ന​ങ്ങ​ൾ എ​ണ്ണി​പ്പ​റ​ഞ്ഞാ​ണ് വോ​ട്ട് പി​ടി​ക്കാ​ൻ ശ്ര​മി​ക്കു​ന്ന​ത്.

അ​ടി​സ്ഥാ​ന സൗ​ക​ര്യ​ങ്ങ​ളു​ടെ വി​ക​സ​ന​മി​ല്ലാ​യ്മ​യും തൊ​ഴി​ലി​ല്ലാ​യ്മ​യും രൂ​ക്ഷ​മാ​യ പ്ര​ദേ​ശം കൂ​ടി​യാ​ണി​ത്. ന​ഗ​ര​മേ​ഖ​ല മാ​റ്റി​നി​ർ​ത്തി​യാ​ൽ മ​ണ്ഡ​ല​ത്തി​ൽ കൂ​ടു​ത​ലും കാ​ർ​ഷി​ക മേ​ഖ​ല​യാ​ണ്. വ​ര​ൾ​ച്ച ത​ന്നെ​യാ​ണ്​ മു​ഖ്യ​പ്ര​ശ്​​നം. ജ​ല​സേ​ച​ന സൗ​ക​ര്യ​ങ്ങ​ളി​ല്ലാ​തെ നൂ​റു​ക​ണ​ക്കി​ന്​ ഏ​ക്ക​ർ ഭൂ​മി വ​ർ​ഷ​ങ്ങ​ളാ​യി ത​രി​ശി​ട്ടി​രി​ക്കു​ക​യാ​ണ്. മ​ഹാ​ദാ​യി പ​ദ്ധ​തി​ക്കു​വേ​ണ്ടി ക​ർ​ഷ​ക​ർ സ​മ​രം ന​ട​ത്തി​യ മേ​ഖ​ല​യാ​ണി​ത്.

മാ​ല​പ്ര​ഭ ന​ദി​യു​മാ​യി കാ​ല​സ-​ബ​ന്ദൂ​രി ക​നാ​ലു​ക​ളെ ബ​ന്ദി​പ്പി​ക്കാ​ത്ത​തി​ലും ജ​ന​ങ്ങ​ൾ നി​രാ​ശ​രാ​ണ്. ഇ​ക്കാ​ര്യ​ത്തി​ൽ ഇ​രു പാ​ർ​ട്ടി​ക​ളും പ​ര​സ്പ​രം പ​ഴി​ചാ​രു​ക മാ​ത്ര​മാ​ണ് ചെ​യ്യു​ന്ന​ത്. പ​ദ്ധ​തി ന​ട​പ്പാ​ക്കാ​ത്ത​തി​ന് പ്ര​തി​ക​ളാ​രെ​ന്ന​തു കൂ​ടെ​യാ​യി​രി​ക്കും മേ​യ് ഏ​ഴി​ന് ദാ​ർ​വാ​ഡി​ലെ ജ​ന​ങ്ങ​ൾ തീ​രു​മാ​നി​ക്കു​ക.

ധാ​ർ​വാ​ഡ്​ ലോ​ക്സ​ഭ മ​ണ്ഡ​ലം

വോ​ട്ടു​നി​ല 2019

പ്ര​ൾ​ഹാ​ദ്​ ജോ​ഷി (ബി.​ജെ.​പി) - 684,837

വി​ന​യ്​ കു​ൽ​ക്ക​ർ​ണി (കോ​ൺ​ഗ്ര​സ്) - 4,79,765

നി​യ​മ​സ​ഭ മ​ണ്ഡ​ല​ങ്ങ​ൾ (2023)

കോ​ൺ​​ഗ്ര​സ്: ധാ​ർ​വാ​ഡ്, ഹു​ബ്ബ​ള്ളി - ധാ​ർ​വാ​ഡ് ഈ​സ്റ്റ്, നാ​വ​ൽ​​ഗു​ഡ്, ക​ൽ​​ഗാ​ദ​​ഗി

ബി.​ജെ.​പി: ഹു​ബ്ബ​ള്ളി - ധാ​ർ​വാ​ഡ് വെ​സ്റ്റ്, ഹു​ബ്ബ​ള്ളി - ധാ​ർ​വാ​ഡ് സെ​ൻ​ട്ര​ൽ, കു​ന്ദ​​ഗോ​ള, ഷി​ഗ്ഗോ​ൺ

ചി​ക്കോ​ടി ലോ​ക്സ​ഭ മ​ണ്ഡ​ലം

വോ​ട്ടു​നി​ല 2019

അ​ണ്ണാ​സാ​ഹ​ബ്​ ജോ​ലെ (ബി.​ജെ.​പി) - 7,45,017

പ്ര​കാ​ശ്​ ഹു​ക്കേ​രി (കോ​ൺ​ഗ്ര​സ്) - 5,26,140

മ​ച്ചേ​ന്ദ്ര ദാ​വ​ലു (ബി.​എ​സ്.​പി) - 15,575

നി​യ​മ​സ​ഭ മ​ണ്ഡ​ല​ങ്ങ​ൾ (2023)

കോ​ൺ​​ഗ്ര​സ്: അ​താ​നി, ക​ഗ​വാ​ഡ, ചി​ക്കോ​ടി-​സ​ദ​ല​ഗ, യ​മ​ക​ന​മാ​റാ​ടി, കു​ഡ​ചി

ബി.​ജെ.​പി: നി​പ്പാ​നി, റാ​യ്​​ബാ​ഗ്, ഹു​ക്കേ​രി