ആധാർ വിവരങ്ങൾക്ക്​ കനത്ത സുരക്ഷ; ചോരില്ല -യു.​െഎ.ഡി.എ.​െഎ

ന്യൂഡൽഹി: അതീവ സുരക്ഷയുള്ള സ്വന്തം സെർവറുകളിലാണ്​ ആധാർ വിവരങ്ങൾ സൂക്ഷിച്ചിരിക്കുന്നതെന്ന്​ ഏകീകൃത തിരിച്ചറിയൽ അതോറിറ്റി (യു.​െഎ.ഡി.​എ.​െഎ). ആധാറുമായി ബന്ധപ്പെട്ട ഒരു വിവരവും പുറത്തുള്ള ഏതെങ്കിലും കേന്ദ്രത്തിലേക്ക്​ പോയിട്ടില്ലെന്നും അതിനൂതന സാ​േങ്കതികവിദ്യ അടിസ്​ഥാനമാക്കിയ ഏറ്റവും മികച്ച സുരക്ഷയാണ്​ ആധാർ സെർവറിനുള്ള​െതന്നും അതോറിറ്റി വാർത്താകുറിപ്പിൽ അറിയിച്ചു.

ആധാർ ഏജൻസി വിദേശ സ്​ഥാപനങ്ങൾക്ക്​ കരാർ നൽകിയിരുന്നുവെന്നും അവർ വ്യക്​തി വിവരങ്ങൾ കൈവശപ്പെടുത്തിയെന്നുമുള്ള രീതിയിൽ വിവരാവകാശ മറുപടി പുറത്തുവന്ന സാഹചര്യത്തിലാണ്​  യു.​െഎ.ഡി.എ.​െഎയുടെ വിശദീകരണം. ബയോമെട്രിക്​ വിവരങ്ങൾ ക്രോഡീകരിക്കുന്ന സോഫ്​റ്റ്​വെയർ ഏജൻസിക്കു മാത്രമാണ്​  വിവരങ്ങൾ ലഭിക്കുക. അതും ആധാർ ഏജൻസിയുടെ കനത്ത സുരക്ഷ ‘മതിലിനകത്ത്​’. വ്യക്​തിവിവരങ്ങൾ സൂക്ഷിക്കുന്ന ഏജൻസിയുടെ സെർവറിന്​ ഇൻറർനെറ്റ്​, ലാപ്​ടോപ്​​,  പെൻഡ്രൈവ്​  തുടങ്ങിയവ വഴിയൊന്നും പുറംലോകവുമായി ബന്ധമില്ല. ഡാറ്റ സ​​െൻററിന്​ കനത്ത കാവലുള്ളതിനൊപ്പം ഇവിടേക്കുള്ള ഹാർഡ്​വെയർ ഉപകരണങ്ങൾ രണ്ടുവട്ടം പരിശോധിച്ചാണ്​ സ്വീകരിക്കുന്നതെന്നും അതോറിറ്റി വ്യക്​തമാക്കി.