കൊലപാതകത്തിനു ശേഷം ശ്രദ്ധ വാൽകറുടെ ഫോൺ മാസങ്ങളോളം അഫ്താബ് കൈവശം വെച്ചു

ന്യൂഡൽഹി: ​പൊലീസിനോട് കൂടുതൽ വിവരങ്ങൾ വെളിപ്പെടുത്തി പങ്കാളിയെ കൊലപ്പെടുത്തി വെട്ടിനുറുക്കിയ കേസിലെ പ്രതി അഫ്താബ്. കൊലപാതകത്തിനു ശേഷം മാസങ്ങളോളം ശ്രദ്ധയുടെ ഫോൺ അഫ്താബ് കൈവശം വെച്ചിരുന്നതായാണ് പൊലീസിന് ലഭിച്ച വിവരം. ​

ശ്രദ്ധയെ കൊലപ്പെടുത്തി ശരീരം 35 കഷ്ണങ്ങളാക്കിയ ശേഷം കുറച്ചുദിവസം ഫ്രിഡ്ജിൽ സൂക്ഷിക്കുകയായിരുന്നു. പിന്നീട് ശരീരഭാഗങ്ങൾ കാട്ടിലുപേക്ഷിച്ചു. ശ്രദ്ധയുടെ കുടുംബം പരാതി നൽകിയതോടെയാണ് കൊലപാതകത്തെകുറിച്ചുള്ള വിവരങ്ങൾ പുറത്തറിഞ്ഞത്.

തുടർന്ന് അഫ്താബിനെ ചോദ്യംചെയ്യാനായി മുംബൈ പൊലീസ് സ്റ്റേഷനിലേക്ക് വിളിപ്പിച്ചിരുന്നു. ആ സമയത്ത് ശ്രദ്ധയുടെ ഫോൺ അഫ്താബിന്റെ കൈയിലുണ്ടായിരുന്നുവെന്നാണ് പൊലീസ് പറയുന്നത്. പിന്നീട് ഫോൺ കടലിലെറിഞ്ഞു. ചൈനീസ് കത്തിയുപയോഗിച്ചാണ് അഫ്താബ് ശ്രദ്ധ വാൽകറുടെ ശരീരം മുറിച്ചത്. നവംബർ 12നാണ് അഫ്താബിനെ പൊലീസ് അറസ്റ്റ് ചെയ്തത്.