പ്രത്യേക ക്ഷണവുമായി എ.എ.പി; സത്യപ്രതിജ്ഞ ചടങ്ങിന് അപ്രതീക്ഷിത അതിഥി

ന്യൂഡൽഹി: ഡൽഹി നിയമസഭാ തെരഞ്ഞെടുപ്പിൽ ആം ആദ്മി പാർട്ടി തകർപ്പൻ ജയം നേടിയപ്പോൾ ദേശീയ കൺവീനർ അരവിന്ദ് കെജ്​രിവ ാളിന്‍റെ ചിത്രത്തോടൊപ്പം മറ്റൊരു ചിത്രം കൂടി എങ്ങും നിറഞ്ഞിരുന്നു. ആം ആദ്മി തൊപ്പി വെച്ച് വട്ടക്കണ്ണടയും കപ് പടാമീശയുമായി ഏവരുടെയും മനംകവർന്നത് അവ്യൻ തോമർ എന്ന ഒരു വയസ്സുകാരനാണ്. ഇപ്പോഴിതാ, 16ന് നടക്കുന്ന കെജ്​രിവാളിന്‍ റെ സത്യപ്രതിജ്ഞാ ചടങ്ങിൽ പങ്കെടുക്കാൻ പാർട്ടി പ്രത്യേകം ക്ഷണിച്ചിരിക്കുകയാണ് ഈ കുരുന്നിനെ.

തെരഞ്ഞെടുപ് പ് ഫലപ്രഖ്യാപനത്തിന് ശേഷം നടന്ന റാലിയിലാണ് രക്ഷിതാവിന്‍റെ തോളിലേറി റാലിയിൽ അണിനിരന്ന അവ്യൻ തോമറിനെ കാമറക്കണ്ണുകൾ ഒപ്പിയെടുത്തത്. കെജ്​രിവാളിനെ പോലെ കഴുത്തിൽ മഫ്ളർ ചുറ്റിയാണ് അവ്യനും എത്തിയത്.

Big Announcement:

Baby Mufflerman is invited to the swearing in ceremony of @ArvindKejriwal on 16th Feb.

Suit up Junior! pic.twitter.com/GRtbQiz0Is

— AAP (@AamAadmiParty) February 13, 2020

തൊപ്പിയും കണ്ണടയും മീശയുമൊക്കെയായി പലവിധത്തിൽ ഫോട്ടോകളിൽ നിറഞ്ഞുനിന്നു അവ്യൻ. 'ബേബി കെജ്​രിവാൾ' എന്ന് വിളിപ്പേര് കിട്ടുകയും ചെയ്തു.

അവ്യന്‍റെ അച്ഛൻ രാഹുൽ തോമർ ബിസിനസുകാരനാണ്. അമ്മ മീനാക്ഷി. ഇരുവരും എ.എ.പി അനുയായികളാണ്. ഫലപ്രഖ്യാപന ദിവസം എ.എ.പി ട്വീറ്റ് ചെയ്ത അവ്യൻ തോമറിന്‍റെ ചിത്രം നൂറുകണക്കിനാളുകളാണ് പങ്കുവെച്ചത്.