സിദ്ദീഖ് കാപ്പനൊപ്പം അറസ്റ്റിലായ അതീഖുറഹ്മാന് യു.എ.പി.എ കേസിൽ ജാമ്യം; ഇ.ഡി കേസുള്ളതിനാൽ പുറത്തിറങ്ങാനാവില്ല

ന്യൂഡൽഹി: സിദ്ദീഖ് കാപ്പനൊപ്പം അറസ്റ്റിലായ ആക്ടിവിസ്റ്റും ക്യാമ്പസ് ഫ്രണ്ട് മുൻ നേതാവുമായ അതിഖുർ റഹ്മാന് കോടതി ജാമ്യം അനുവദിച്ചു. അലഹബാദ് ഹൈകോടതിയാണ് ജാമ്യം അനുവദിച്ചത്. സിദ്ദീഖ് കാപ്പനൊപ്പം ഹാഥ്റസിലേക്കുള്ള യാത്രക്കിടെയാണ് അതീഖിന് അറസ്റ്റിലായത്. അതേസമയം, ജാമ്യം ലഭിച്ചുവെങ്കിലും അതീഖിന് ജയിലിൽ നിന്നും പുറത്തിറങ്ങാനാവില്ല. കള്ളപ്പണം വെളുപ്പിക്കൽ നിരോധന നിയമപ്രകാരമുള്ള കേസ് നിലനിൽക്കുന്നതിനാലാണിത്.

അറസ്റ്റിലാവുമ്പോൾ ഹൃദയസംബന്ധമായ അസുഖത്തിന് ചികിത്സയിലായിരുന്നു അതിഖ്. കഴിഞ്ഞ സെപ്റ്റംബറിൽ അസുഖം മൂർച്ഛിച്ച് ശരീരത്തിന്റെ ഒരുഭാഗം തളർന്നുവെന്ന് കുടുംബം അറിയിച്ചിരുന്നു.പിന്നീട് ചികിത്സക്കായി അദ്ദേഹത്തെ ലഖ്നോവിലെ കിങ് ജോർജ് മെഡിക്കൽ യൂനിവേഴ്സിറ്റി ആശുപത്രിയിൽ പ്രവേശിപ്പിച്ചിരുന്നു. രോഗാവസ്ഥ പരിഗണിച്ച് അതീഖിനെ വേഗത്തിൽ മോചിപ്പിക്കണമെന്ന് മാതാവ് അഭ്യർഥിച്ചിരുന്നു.

സി​ദ്ദീ​ഖ് കാ​പ്പ​ൻ 28 മാ​സ​ത്തെ ജ​യി​ൽ വാ​സ​ത്തി​നും ഒ​ന്ന​ര മാ​സ​ത്തെ ഡ​ൽ​ഹി​യി​ലെ ക​രു​ത​ൽ ത​ട​ങ്ക​ലി​നും ശേ​ഷം തി​ങ്ക​ളാ​ഴ്ചയാണ് വീട്ടിലെത്തിയത്. ജ​യി​ൽ ജീ​വി​ത​ത്തി​നി​ടെ സി​ദ്ദീ​ഖ് കാ​പ്പ​ന്റെ മാ​താ​വ് മ​ര​ണ​പ്പെ​ട്ടി​രു​ന്നു. അ​വ​സാ​ന​മാ​യി മാ​താ​വി​ന്റെ മു​ഖം കാ​ണാ​ൻ പോ​ലും അ​ദ്ദേ​ഹ​ത്തി​ന് അ​നു​വാ​ദം ല​ഭി​ച്ചി​രു​ന്നി​ല്ല.