തെലുങ്ക് നടി ശാലു ചൗരസ്യക്ക്​ നേരെ അജ്ഞാതന്‍റെ ആക്രമണം

ഹൈദരാബാദ്∙ തെലുങ്കിലെ പ്രശസ്​ത സിനിമാ താരം ശാലു ചൗരസ്യക്കെതിരെ അജ്ഞാതന്‍റെ ആക്രമണം. അക്രമി നടിയുടെ മൊബൈൽ ഫോൺതട്ടിയെടുത്ത്​ സ്​ഥലം വിട്ടു. ഇയാളുമായുള്ള പിടിവലിക്കിടെ നടിക്ക്​ സാരമായി പരിക്കേറ്റു.

തിങ്കളാഴ്ച രാവിലെ ഹൈദരാബാദിലെ കെ.ബി.ആർ പാർക്കിൽ ​െവച്ചാണ് മോഷണവും ആക്രമണവം അരങ്ങേറിയത്​. പ്രഭാത സവാരിക്കിറങ്ങിയതായിരുന്നു നടി. പാർക്കിലെ വാക്ക് വേയിലൂടെ നടക്കുന്നതിനിടെ ഒരാള്‍ നടിക്കു നേരെ നീങ്ങുകയായിരുന്നന്നു സംഭവ സ്​ഥലത്തുണ്ടായിരുന്നവർ പറഞ്ഞു. തുടർന്ന് നടിയുടെ കയ്യിലുണ്ടായിരുന്ന മൊബൈൽ ഫോൺ പിടിച്ചെടുത്ത ശേഷം കടന്നുകളഞ്ഞു.

നടിയുടെ പരാതി പ്രകാരം ബഞ്ചാര ഹിൽസ് പൊലീസ് അന്വേഷണം തുടങ്ങി. പ്രതിയെ തടയാൻ ശ്രമിക്കുന്നതിനിടെയാണു നടിക്കു നിസ്സാര പരുക്കേറ്റതെന്നു പൊലീസ് അറിയിച്ചു. ശാലു ആശുപത്രിയിൽ ചികിത്സ തേടി. ശാലു ചൗരസ്യയെ അക്രമി പാറക്കല്ല് ഉപയോഗിച്ച് ആക്രമിച്ചതായും റിപ്പോർട്ടുകളുണ്ട്. നടിയുടെ തലയിലും മുഖത്തുമാണു പരുക്കേറ്റത്. സി.സി ടി.വി ദൃശ്യങ്ങൾ വിശദമായി പരിശോധിക്കുകയാണെന്നും മോഷ്​ടാവിനെ ഉടൻ പിടികൂടുമെന്നും പൊലീസ്​ അറിയിച്ചു.