ബയോമെട്രിക്​ വിവരങ്ങൾ ആർക്കും കൈമാറിയിട്ടില്ലെന്ന്​ യു.​െഎ.ഡി.എ.​െഎ

ന്യൂഡൽഹി: പൗരൻമാരുടെ ബയോമെട്രിക്​ വിവരങ്ങൾ അന്വേഷണ ഏജൻസിക്ക്​ പോലും കൈമാറിയിട്ടില്ലെന്ന് യു.​െഎ.ഡി​.എ.​െഎ സി.ഇ.ഒ സുപ്രീം കോടതിയെ അറിയിച്ചു. ​2048 എൻക്രിപ്​ഷൻ കീ ഉപയോഗിച്ചാണ്​ ആധാർ വിവരങ്ങൾ സൂക്ഷിച്ചിരിക്കുന്നത്​. ഇത്​ ഹാക്ക്​ ചെയ്യുക അസാധ്യമാണെന്നും സി.ഇ.ഒ കോടതിയിൽ ബോധിപ്പിച്ചു. ആധാർ വിവരങ്ങൾ രേഖപ്പെടുത്തുന്ന സോഫ്​റ്റ്​വെയർ വിദേശ കമ്പനിയുടേതാണ്​​. എന്നാൽ വിവരങ്ങൾ വിദേശ കമ്പനികൾക്ക്​ ലഭിക്കില്ല. സെർവർ ഇന്ത്യയുടെതാണെന്നും സി.ഇ.ഒ വ്യക്​തമാക്കി. 

അതേസമയം ദേശീയ സുരക്ഷയുമായി ബന്ധപ്പെട്ട്​ ആധാർ വിവരങ്ങൾ കൈമാറു​െ​മന്ന്​ യു.​െഎ.ഡി​.എ.​െഎ പറഞ്ഞു. 

അനുവാദമില്ലാതെ ആധാർ വിവരം ശേഖരിക്കുകയോ കൈമാറുകയോ ചെയ്യില്ലെന്നും ജില്ലാ ജഡ്​ജിമാരുടെ അനുവാദമുണ്ടെങ്കിൽ മാത്രം ആധാർ വിവരങ്ങൾ കൈമാറുമെന്നും യു.​െഎ.ഡി​.എ.​െഎ വ്യക്​തമാക്കി.