ലക്ഷദ്വീപ് വിഷയത്തിൽ പ്രതികരിച്ചതിന് അന്വേഷണമെന്ന് അഭിഭാഷക ഫസീല ഇബ്രാഹീം

കൊച്ചി: ലക്ഷദ്വീപിലെ അഡ്മിനിസ്ട്രേറ്ററുടെ ജനദ്രോഹ നടപടികൾക്കെതിരെ മാധ്യമങ്ങളിലൂടെ പ്രതികരിച്ചതിന് തനിക്കെതിരെ പൊലീസ് അന്വേഷണമെന്ന് ദ്വീപുസ്വദേശിയായ അഭിഭാഷക ഫസീല ഇബ്രാഹീം. ചാനൽ ചർച്ചയിലാണ്​ അവർ ഇക്കാര്യം വെളിപ്പെടുത്തിയത്.

അൽജസീറയുൾ​െപ്പടെയുള്ള ചാനലിൽ സംസാരിച്ചതിനു പിന്നാലെ മിനിക്കോയി സി.ഐ ത​െൻറ പിതാവിനെ വിളിച്ച് മകൾക്കെതിരെ അന്വേഷണത്തിന് ഉത്തരവുണ്ടെന്ന് അറിയിക്കുകയായിരുന്നു. സമൂഹ മാധ്യമ അക്കൗണ്ടുകൾ നിരീക്ഷിക്കുന്നുണ്ടെന്ന്​ അറിയിച്ച പൊലീസ് പലവിവരങ്ങളും ചോദിച്ചറിഞ്ഞിട്ടുണ്ട്.

ആദ്യം പിതാവിനെ വിളിച്ച് തന്നെക്കുറിച്ചും കുടുംബത്തെക്കുറിച്ചും വിവരങ്ങള്‍ ആരാഞ്ഞു. പിന്നാലെ തന്നെ നേരിട്ട് വിളിച്ച ഉദ്യോഗസ്ഥന്‍ ഏതൊക്കെ മാധ്യമങ്ങളിലാണ് സംസാരിച്ചതെന്നും എന്തൊക്കെ കാര്യങ്ങളാണ് പറഞ്ഞതെന്നും ചോദിച്ചറിഞ്ഞു. ഫോണ്‍ വിളിച്ചാല്‍ എടുക്കണമെന്നും പൊലീസുകാരൻ പറഞ്ഞെന്ന് ഫസീല വ്യക്തമാക്കി.