57 ഭീകരരെ വധിച്ച്​ അഫ്​ഗാൻ; സെയ്​ദ്​ അബദ്​ ജില്ലയിൽ താലിബാൻ ആക്രമണം

കാബൂൾ: അഫ്​ഗാൻ സുരക്ഷാസേന ആകാശ മാർഗം നടത്തിയ ആക്രമണത്തിൽ രാജ്യത്തി​​​െൻറ വിവിധ ഭാഗങ്ങളിലായി 57 ഭീകരർ കൊല്ലപ്പെ​െട്ടന്ന അഫ്​ഗാൻ പ്രതിരോധ മന്ത്രാലയത്തി​​​െൻറ വെളിപ്പെടുത്തലിനു പിന്നാലെ രാജ്യത്ത്​ താലിബാൻ ആക്രമണം.

സെൻട്രൽ വാർഡാക്​ പ്രവിശ്യയിലെ സെയ്​ദ്​ അബദ്​ ജില്ലയിലാണ്​ താലിബാൻ ആക്രമണമഴിച്ചു വിട്ടത്​. ശനിയാഴ്​ച രാത്രിയോടെയാണ്​ ആക്രമണമുണ്ടായത്​. ഭീകരരും സുരക്ഷാ ഉദ്യോഗസ്​ഥരും തമ്മിൽ ഏറ്റുമുട്ടി​.

ജില്ലാ ആസ്​ഥാനത്ത്​ ഭീകരർ ആക്രമണം അഴിച്ചു വിടുകയും പ്രദേശം പിടിച്ചെടുത്തതായി പ്രഖ്യാപിക്കുകയും ചെയ്​തതോടെയാണ്​ ഏറ്റുമുട്ടലിന്​ തുടക്കമായതെന്ന്​ പരിസരവാസികൾ പറഞ്ഞു. ഏറ്റുമുട്ടലിനെ തുടർന്ന്​ ഗതാഗത നിയന്ത്രണത്തിനായി കാബൂൾ-കാണ്ഡഹാർ ദേശീയപാത അടച്ചു. ജില്ലയിൽ പലയിടത്തും വൈദ്യുതി ബന്ധവും നിലച്ചിരിക്കുകയാണ്​.