എ.ബി.വി.പി സമരം: ജെ.എൻ.യുവിൽ വോ​െട്ടണ്ണൽ നിർത്തിവെച്ചു

ന്യൂഡൽഹി: എ.ബി.വി.പി പ്രവർത്തകർ പ്രതിഷേധിച്ചതിനെ തുടർന്ന്​ ജെ.എൻ.യുവിലെ യൂണിയൻ തെരഞ്ഞെടുപ്പി​​​​െൻറ വോ​െട്ടണ്ണൽ നിർത്തിവെച്ചു. വോ​െട്ടണ്ണൽ തുടങ്ങിയത്​ തങ്ങളെ അറിയിച്ചില്ലെന്ന്​ ആരോപിച്ചാണ്​ എ.ബി.വി.പി പ്രവർത്തകർ കാമ്പസിൽ സംഘർഷമുണ്ടാക്കിയത്​. വോ​െട്ടണ്ണൽ താൽക്കാലികമായി നിർത്തിവെച്ചിരിക്കുകയാണെന്ന്​ ജെ.എൻ.യു തെരഞ്ഞെടുപ്പ്​ കമിറ്റി പുറത്തിറക്കിയ പ്രസ്​താവനയിൽ പറഞ്ഞു.

സെപ്​തംബർ 14ന്​ രാത്രി 10 മണിക്കാണ്​ ജെ.എൻ.യുവിൽ വോ​െട്ടണ്ണൽ ആരംഭിച്ചത്​. പുലർച്ചെ നാല്​ മണിക്ക്​ എ.ബി.വി.പി പ്രവർത്തകർ പ്രതിഷേധവുമായി എത്തിയതോടെയാണ്​ വോ​െട്ടണ്ണൽ നിർത്തിവെച്ചത്​. തെരഞ്ഞെടുപ്പ്​ കമിറ്റിയുടെ ഒാഫീസ്​ പ്രവർത്തിക്കുന്ന ഇൻറർനാഷണൽ സ്​റ്റഡീസി​​​​െൻറ ഒാഫീസ്​ കെട്ടിടത്തി​​​​െൻറ ചില്ലുകൾ എ.ബി.വി.പി പ്രവർത്തകർ തകർത്തുവെന്ന്​ ഇടത്​ സംഘടനകൾ ആരോപിച്ചു. അതേ സമയം, സമാധാനപരമായാണ്​ പ്രതിഷേധം നടത്തിയതെന്ന്​ എ.ബി.വി.പി വ്യക്​തമാക്കി.

ജെ.എൻ.യുവിലെ വിദ്യാർഥി യൂണിയനിലേക്ക്​ നടന്ന തെരഞ്ഞെടുപ്പിൽ 67.8 ശതമാനം വോട്ടാണ്​ പോൾ ചെയ്​തത്​. ഏകദേശം 5,000 പേർ വോട്ട്​ രേഖപ്പെടുത്തിയെന്നാണ്​ കണക്ക്​. ആറ്​ വർഷത്തിനിടെ ഏറ്റവും കൂടുതൽ പേർ വോട്ട്​ രേഖപ്പെടുത്തിയ തെരഞ്ഞെടുപ്പാണ്​ കടന്നു പോയത്​. ​െഎസ, എസ്​.എഫ്​.​െഎ, ഡി.എസ്​.എഫ്​, എ.​െഎ.എസ്​.എഫ്​, എ.ബി.വി.പി തുടങ്ങിയ സംഘടനകളാണ്​ തെരഞ്ഞെടുപ്പിൽ മൽസരിക്കുന്നത്​.