വൈദ്യുതീകരണം 100 ശതമാനം; പഴയ മീറ്ററുകൾ മാറ്റി പ്രീപെയ്​ഡ്​ സ്​മാർട്ട്​ മീറ്ററുകളുമായി ബിഹാർ

പട്​ന: വൈദ്യുതീകരണം 100 ശതമാനം പൂർത്തിയായ ബിഹാറിൽ ഇനിയും പഴയ 'തല്ലിപ്പൊളി' മീറ്ററുകൾ തുടരേണ്ടതില്ലെന്ന്​ സർക്കാർ തീരുമാനം. അടിയന്തര പ്രാധാന്യ​േത്താടെ പ്രീപെയ്​ഡ്​ സ്​മാർട്ട്​ മീറ്ററുകൾ സ്​ഥാപിക്കാനാണ്​ തീരുമാനം. നേരത്തെ തുകയടച്ച്​ സമയാസമയം ഉപയോഗിക്കാൻ ബാക്കിയുള്ള വൈദ്യുതിയുടെ കണക്ക്​ ഉപഭോക്​താക്കൾക്കറിയാൻ സഹായിക്കുന്നതാകും പുതിയ മീറ്ററുകൾ.

5.2 ലക്ഷം വീടുകളുള്ള പട്​നയിൽ മാത്രം ഇതിനകം 76,000 സ്​മാർട്​ മീറ്ററുകൾ സ്​ഥാപിച്ചുകഴിഞ്ഞിട്ടുണ്ട്​. ഡിസംബറോടെ എല്ലാ വീടുകളിലും സ്​ഥാപനങ്ങളിലും ഇവ സ്​ഥാപിക്കൽ പൂർത്തിയാക്കും. മീറ്റർ റീഡർമാർ തെറ്റായി നൽകുന്ന കനത്ത തുകയുടെ ബില്ലുകൾ ഉണ്ടാക്കുന്ന പ്രശ്​നങ്ങൾ ഇതുവഴി ഒഴിവാക്കാനാകും.

അടുത്തിടെയായി സംസ്​ഥാനത്ത്​ വൈദ്യുതി ഉപഭോഗം 6627 മെഗാവാട്ട്​ ശേഷി കൈവരിച്ചിരുന്നു. വൈദ്യുതീകരണം പൂർത്തിയായിവരുന്ന സാഹചര്യത്തിലാണ്​ ഉപഭോഗം കൂടിയത്​. ഇതിന്‍റെ തുടർച്ചയായാണ്​ സ്​മാർട്​ മീറ്ററുകൾ സ്​ഥാപിക്കുന്നത്​. ജൂണിൽ മാത്രം 1,47,582 സ്​മാർട്​ മീറ്ററുകൾ സ്​ഥാപിച്ചിട്ടുണ്ട്​. മൊത്തം 23,50,000 മീറ്ററുകളാണ്​ മാറ്റി സ്​ഥാപിക്കുക.

ആവശ്യമായ എല്ലാ സാമ്പത്തിക സഹായവും ഉറപ്പുനൽകിയതായി മുഖ്യമന്ത്രി നിതീഷ്​ കുമാറും അറിയിച്ചു.