സർക്കാർ എതിർത്തു; ദലൈലാമയുടെ ചടങ്ങ്​ ഡൽഹിയിൽ നിന്ന്​ മാറ്റി

ന്യൂഡൽഹി: ടിബറ്റിൽ നിന്ന്​ ദലൈലാമ പലായനം ചെയ്​തതി​​​െൻറ 60 ാം വർഷത്തിൽ ’താങ്ക്യു​ ഇന്ത്യ’ എന്ന പേരിൽ ഡൽഹിയിൽ നടത്താൻ തീരുമാനിച്ച ചടങ്ങ്​ കേന്ദ്ര സർക്കാറി​​​െൻറ എതിർപ്പ്​ മൂലം ധർമശാലയിലേക്ക്​ മാറ്റി. മുതിർന്ന രാഷ്​ട്രീയ നേതാക്കളും ഉദ്യോഗസ്​ഥരും ചടങ്ങിൽ പ​െങ്കടുക്കരുതെന്ന്​ കാണിച്ച്​ കാബിനറ്റ്​ സെക്രട്ടറി പി.കെ സിൻഹ കത്ത്​ നൽകി മൂന്നാം ദിവസമാണ്​ ചടങ്ങ്​ ധർമശാലയിലേക്ക്​ മാറ്റിയത്​.

ഇന്ത്യ നേരിടുന്ന സമ്മർദം തങ്ങൾക്ക്​ മനസിലാകുമെന്ന്​ ടിബറ്റൻ നേതാക്കൾ പറഞ്ഞു. ചടങ്ങ്​ ഡൽഹിയിൽ നടന്നാൽ ചൈന ബന്ധത്തിൽ അസ്വസ്​ഥത ഉണ്ടാകുമെന്ന കാര്യം ചൂണ്ടിക്കാട്ടി  വിദേശകാര്യ സെക്രട്ടറി വിജയ്​ ഗോഖലെ കാബിനറ്റ്​ സെക്രട്ടറിക്ക്​ കത്തയച്ചിരുന്നു. പലായനം ചെയ്​ത ടിബറ്റൻ സർക്കാർ ഏപ്രിൽ ഒന്നിന്​ ഡൽഹിയിലെ ത്യാഗരാജ സ്​റ്റേഡിയത്തിൽ ‘താങ്ക്യു ഇന്ത്യ’എന്ന ചടങ്ങ്​ നടത്തുന്നുണ്ട്​. ഇൗ ചടങ്ങിലേക്ക്​ മുതിർന്ന നേതാക്കൾക്കും സർക്കാർ ഉദ്യോഗസ്​ഥർക്കും ക്ഷണമുണ്ട്​. ഇത്​ അഭിലഷണീയമല്ല, പിന്തിരിപ്പിക്കേണ്ടതാണ്​ എന്നായിരുന്ന കത്തിലെ ഉള്ളടക്കം. 

​ടിബറ്റ്​ ചൈനയുടെ അവിഭാജ്യ ഭാഗമാണെന്ന്​ ​ൈചന കരുതുന്നു. ചൈനീസ്​ ഭരണകൂടം ടിബറ്റൻ സർക്കാറിനെ അംഗീകരിക്കുന്നില്ല. ചൈനയെ പിണക്കാതിരിക്കാനാണ്​ ദലൈലാമയുടെ ചടങ്ങിന്​ പോകരുതെന്ന്​ രാഷ്​​ട്രീയ നേതാക്കൾക്ക്​ സർക്കാർ നിർദേശം നൽകിയത്​. ചടങ്ങ്​ ഡൽഹിയിൽ നിന്ന്​ ധർമ
ശാലയിലേക്ക്​ മാറ്റിയ വിവരം ദലൈലാമയുടെ പ്രതിനിധിയും സ്​ഥീരീകരിച്ചു. ഏപ്രിൽ ഒന്നിന്​ പകരം മാർച്ച്​ 31 ന്​ ചടങ്ങ്​ നടത്തുമെന്നും അദ്ദേഹം അറിയിച്ചു.