ഡൽഹിയിൽ കോവിഡ്​ ലോക്​ഡൗൺ വരുംമു​െമ്പ മദ്യഷോപ്പുകളിൽ തിരക്കോട്​ തിരക്ക്​

ഡൽഹി: കോവിഡ്​ വ്യാപനം അതിരൂക്ഷമായി തുടരുന്ന ഡൽഹിയിൽ നിയന്ത്രണ നടപടികളുടെ ഭാഗമായി പ്രഖ്യാപിച്ച ലോക്​ഡൗൺ പ്രാബല്യത്തിൽ വരാൻ മണിക്കൂറുകൾ ബാക്കിനിൽക്കെ മദ്യഷോപ്പുകളിൽ തിരക്കോടു തിരക്ക്​. തലസ്​ഥാന നഗരത്തിലുടനീളമുള്ള മദ്യഷോപ്പുകളിലൊക്കെയും നിരത്തുനീളെ ക്യൂ വന്നതിന്‍റെ ദൃശ്യങ്ങൾ സമൂഹ മാധ്യമങ്ങളിൽ വൈറലാണ്​.

ഗോലെ മാർക്കറ്റിലും ഖാൻ മാർക്കറ്റിലുമുള്ള മദ്യഷോപ്പുകൾക്കു പുറത്തെ നീണ്ട ക്യൂവിന്‍റെ ചിത്രങ്ങൾ വാർത്താ ഏജൻസി പുറത്തുവിട്ടിരുന്നു.

ഇന്ത്യയിലെ നഗരങ്ങളിൽ ഏറ്റവും മാരകമായി കോവിഡ്​ പടർന്നുപിടിക്കുകയാണ്​ ഡൽഹിയിൽ. പരിശോധനക്കെത്തുന്ന മൂന്നിലൊന്നു പേരും കോവിഡ്​ പോസിറ്റീവ്​ ആകുന്നതായി റിപ്പോർട്ടുകൾ പറയുന്നു.

തലസ്​ഥാന നഗരത്തിൽ ആരോഗ്യ സംവിധാനം പരമാവധിയിലെത്തിയതായും ഇനിയും ലോക്​ഡൗൺ നടപ്പാക്കിയില്ലെങ്കിൽ ദുരന്ത വ്യാപ്​തി കൂടുമെന്നും മുഖ്യമന്ത്രി അരവിന്ദ്​ കെജ്​രിവാൾ പറഞ്ഞു.

ഉത്തരവ്​ വന്നയുടനാണ്​ മദ്യഷോപ്പുകൾക്ക്​ മുന്നിൽ ജനം തിരക്കുകൂട്ടിയെത്തിയത്​. ഒട്ടും സാമൂഹിക അകലം പാലിക്കാതെ തിരക്കുകൂട്ടുന്ന ചിത്രങ്ങളും ചിലർ പങ്കുവെച്ചു.

പുറത്തിറങ്ങുന്നത്​ വിലക്കി കർഫ്യൂവും പ്രഖ്യാപിച്ചിട്ടുണ്ട്​. സ്വകാര്യ ജീവനക്കാർ ഇനി മുതൽ വീട്ടിൽനിന്നാകും ജോലി ചെയ്യുക. കേന്ദ്ര, സംസ്​ഥാന സർക്കാർ ജീവനക്കാരും അനുബന്ധ ജോലിക്കാരും ഓഫിസിലെത്തു​േമ്പാൾ ആവശ്യമായ രേഖകൾ കരുതണം. മെഡിക്കൽ സേവന മേഖലക്ക്​ മാത്രമാണ്​ നിലവിൽ ഇളവ്​ അനുവദിച്ചിട്ടുള്ളത്​. അന്തർ സംസ്​ഥാന യാത്രക്കും വിലക്കില്ല.