അനിതയുടെ ആത്​മഹത്യ; തമിഴ്​നാട്ടിൽ പ്രതിഷേധം ശക്​തമാകുന്നു

ചെന്നൈ: ​ മെഡിക്കൽ പ്രവേശനം ലഭിക്കാത്തതിനെ തുടർന്ന്​ ദളിത്​ വിദ്യാർഥിനി അനിത ആത്​മഹത്യ ചെയ്​ത സംഭവത്തിൽ തമിഴ്​നാട്ടിൽ പ്രതിഷേധം ശക്​തമാകുന്നു. ഇടത്​ വിദ്യാർഥി സംഘടനയായ എസ്​.എഫ്​.​െഎ നാം തമിഴർ കച്ചി തുടങ്ങിയ സംഘടനകളുടെയും നേതൃത്വത്തിലാണ്​ പ്രതിഷേധം നടക്കുന്നത്​. നീറ്റ്​ പരീക്ഷക്കും ബി.ജെ.പിക്കും എതിരായാണ്​ പ്രക്ഷോഭങ്ങൾ. പ്രതിഷേധങ്ങളെ തുടർന്ന്​ കേന്ദ്രമന്ത്രി ഹർഷവർധന​​​െൻറ ചെന്നൈ യാത്ര മാറ്റിവെച്ചു. പെൺകുട്ടിയുടെ മരണത്തിൽ അനുശോചനവുമായി കമൽഹാസനും രജനീകാന്തും രംഗത്തെത്തിയിട്ടുണ്ട്​.

അനിതയുടെ ആത്​മഹത്യയിൽ പ്രതിഷേധിച്ച്​ സി.പി.എം പ്രക്ഷോഭം നടത്തുന്നു

 

തമിഴ്നാട്​ സിലബസിൽ ഹയർസെക്കൻഡറി പഠിച്ച  അനിതക്ക്​ 1200ൽ 1176 മാർക്ക്​  ലഭിച്ചിരുന്നു. എന്നാൽ നീറ്റ്​ പരീക്ഷക്ക്​ 86 മാർക്ക്​ മാത്രമേ ലഭിച്ചുള്ളു. ബോർഡ്​ പരീക്ഷയിൽ മികച്ച മാർക്ക്​ വാങ്ങിയിട്ടും നീറ്റിൽ തിളങ്ങാൻ സാധിക്കാത്ത തന്നെ പോലുള്ള പാവപ്പെട്ട വിദ്യാർഥികളെ ദുരിതത്തിലാഴ്​ത്തുമെന്ന്​ ചൂണ്ടിക്കാട്ടിയാണ്​ അനിത നീറ്റിനെതിരെ സുപ്രീംകോടതിയെ സമീപിച്ചത്​. എന്നാൽ കോടതി അനിതയുടെ ഹരജി തള്ളുകയായിരുന്നു.