മുൻ കോൺഗ്രസ്​ എം.എൽ.എക്ക്​​ ബി.ജെ.പി അഞ്ച്​ കോടി കൈക്കൂലി നൽകി; തെളിവുകൾ പുറത്ത്​ വിട്ട്​ കോൺഗ്രസ്​

3അഹമ്മദാബാദ്​: മുൻ കോൺഗ്രസ്​ എം.എൽ.എയെ രാജി​വെപ്പിക്കാൻ ​ബി.ജെ.പി അഞ്ച്​ കോടി കൈക്കൂലി നൽകിയെന്ന ആരോപണവുമായി ഗുജറാത്ത്​ കോൺഗ്രസ്​ നേതൃത്വം. രാജിവെക്കാൻ അഞ്ച്​ കോടി ലഭിച്ചുവെന്ന്​ എം.എൽ.എ സോമഭാതല പ​ട്ടേൽ പറയുന്ന വിഡിയോ കോൺഗ്രസ്​ പുറത്ത്​ വിട്ടു. എട്ട്​ നിയമസഭാ സീറ്റുകളിലേക്ക്​ നവംബർ മൂന്നിന്​ ഗുജറാത്തിൽ ഉപതെരഞ്ഞെടുപ്പ്​ നടക്കാനിരിക്കെയാണ്​ കോൺഗ്രസ്​ വിഡിയോ പുറത്ത്​ വിട്ടത്​.

തനിക്ക്​ ബി.ജെ.പി പണം നൽകിയെന്നാണ്​ എം.എൽ.എ സോമഭായി ഗന്ധാഭായ്​ പ​ട്ടേൽ പറയുന്നുത്​. ഒരു എം.എൽ.എക്കും അഞ്ച്​ കോടിക്ക്​ മുകളിൽ നൽകിയിട്ടില്ല. ചിലർക്ക്​ പണം നൽകിയപ്പോൾ മറ്റുള്ളവർക്ക്​ സീറ്റ്​ നൽകി.

ബി.ജെ.പി ജനപ്രതിനികളെ വാങ്ങുകയും വിൽക്കുകയും ചെയ്യുകയാണെന്ന്​ കോൺഗ്രസ്​ സംസ്ഥാന പ്രസിഡൻറ്​ അമിത്​ ചാദ്​വ പറഞ്ഞു. അഴിമതികളിലൂടെ ലഭിച്ച പണമാണ്​ ഇതിനായി ഉപയോഗിക്കുന്നത്​. കേന്ദ്ര ആഭ്യന്തര മന്ത്രി അമിത്​ ഷാ ഉൾപ്പടെയുള്ളവർക്കെതിരെ ഇക്കാര്യത്തിൽ കേസെടുക്കണമെന്നും സംസ്ഥാന കോൺഗ്രസ്​ നേതൃത്വം ആവശ്യപ്പെട്ടു. ഉപതെരഞ്ഞെടുപ്പി​െൻറ പ്രചാരത്തിലുടനീളം കോൺഗ്രസ്​ ബി.ജെ.പിയുടെ അഴിമതിയാണ്​ ചർച്ചയാക്കുന്നത്​.