ബംഗാളിൽ സി.പി.എം മുൻ എം.പിക്ക്​ നേരെ ആക്രമണം

കൊൽക്കത്ത: ബംഗാളിൽ മുതിർന്ന സി.പി.എം നേതാവും മുൻ എം.പിയുമായ ബസുദേവ്​ അചാര്യക്ക്​ നേരെ ആക്രമണം. പുരുലിയ ജില്ലയിൽ തൃണമൂൽ കോൺഗ്രസ്​ പാർട്ടി പ്രവർത്തകർ ബസുദേവിനെ ആക്രമിച്ചുവെന്നാണ്​ ആരോപണം. നേരത്തെ പഞ്ചായത്ത്​ തെരഞ്ഞെടുപ്പിനുള്ള നാമനിർദേശക പത്രിക സമർപ്പിക്കാനെത്തിയ ബി.ജെ.പി നേതാവിനെതിരെയും ആക്രമണമുണ്ടായിരുന്നു. അടുത്ത മാസം നടക്കുന്ന പഞ്ചായത്ത്​ തെരഞ്ഞെടുപ്പിന്​ മുന്നോടിയായാണ്​ ബംഗാളിൽ തൃണമൂൽ വ്യാപകമായി ആക്രമണങ്ങൾ അഴിച്ചുവിടുന്നതെന്ന്​ പ്രതിപക്ഷ പാർട്ടികൾ കുറ്റപ്പെടുത്തി.

കാശിപൂരിൽ പാർട്ടി പ്രവർത്തകരോടൊപ്പം നാമനിർദേശക പത്രിക സമർപ്പിക്കാ​നെത്തിയപ്പോഴാണ്​ അചാര്യക്കെതിരെ ആക്രമണമുണ്ടായത്​. ഹോക്കി സ്​റ്റിക്​ ഉപയോഗിച്ച്​ അദ്ദേഹത്തെ ക്രൂരമായി മർദ്ദിക്കുകയായിരുന്നു. അദ്ദേഹത്തി​​​​െൻറ ഒപ്പമെത്തിയ പാർട്ടി പ്രവർത്തകർക്കും മർദ്ദനമേറ്റിട്ടുണ്ട്​. ആചാര്യ ഇപ്പോൾ ​തീവ്രപരിചരണ വിഭാഗത്തിൽ ചികിൽസയിലാണ്​. 

സി.പി.എം പ്രവർത്തകർക്കെതിരായ ആക്രമണങ്ങൾ ബംഗാളിൽ വർധിച്ച്​ വരികയാണെന്ന്​ പാർട്ടി കുറ്റപ്പെടുത്തി. ഇത്​ പ്രതിഷേധാർഹമാണെന്നും ഒമ്പത്​ തവണ എം.പിയായ ബസുദേവ്​ ആചാര്യയുടെ ആക്രമണത്തെ അപലപിക്കുന്നുവെന്നും സി.പി.എം വ്യക്​തമാക്കി.​