രണ്ടു ഡസനിലധികം പേർക്ക്​ കോവിഡ്​; അഹ്​മദാബാദിലെ മരുന്ന്​ നിർമാണ്​ കമ്പനി പൂട്ടി

അഹ്​മദാബാദ്​: രാജ്യത്തെ വൻകിട സ്വകാര്യ മരുന്ന്​ കമ്പനികളിലൊന്നായ കാഡില ഫാർമസ്യൂട്ടിക്കൽസി​​െൻറ നിർമാണ പ്ലാൻറ്​ പൂട്ടി. മരുന്ന്​ നിർമാണ കമ്പനിയിലെ രണ്ടു ഡസനിലധികം ജീവനക്കാർക്ക്​ കോവിഡ്​ റിപ്പോർട്ട്​ ​െചയ്​തതിനെ തുടർന്നാണ്​ പ്ലാൻറ്​ അടച്ചുപൂട്ടിയത്​. 

വ്യാഴാഴ്​ച ഇവിടത്തെ അഞ്ചു ജീവനക്കാർക്കാണ്​ കോവിഡ്​ സ്​ഥിരീകരിച്ചത്​. 26ഓളം ജീവനക്കാർക്ക്​ കോവിഡ്​ സ്​ഥിരീകരിച്ചതിനാൽ താൽകാലികമായി നിർമാണ പ്ലാൻറ്​ അടച്ചിടുന്നതായി കാഡില ഫാർമസ്യൂട്ടിക്കൽസ്​ അറിയിച്ചു. 

ഇവിടത്തെ 30 ഓളം ജീവനക്കാരുടെ സാമ്പിളുകളാണ്​ പരിശോധനക്ക്​ അയച്ചിരുന്നതെന്നും ഇതിൽ 21 ഓളം പേർക്ക്​ നേര​േത്ത കോവിഡ്​ സ്​ഥിരീകരിച്ചതായും അഹ്​മദാബാദ്​ ജില്ല വികസന ഓഫിസർ അരുൺ മഹേഷ്​ ബാബു പറഞ്ഞു. വ്യാഴാഴ്​ച പ്ലാൻറ്​ അടച്ചിടാൻ നിർദേശം നൽകുകയായിരുന്നു. 95ഓളം ജീവനക്കാരെ ക്വാറൻറീനിലാക്കിയിട്ടുണ്ട്​.