എയ്ഡ്സിൽ മുന്നിൽ മിസോറം
text_fieldsഐസോൾ: രാജ്യത്ത് ഏറ്റവുമധികം എയ്ഡ്സ് രോഗികൾ മിസോറമിൽ. 17,897 പേരാണ് സംസ്ഥാനത്ത് എച്ച്.ഐ.വി ബാധിതർ. ഓരോ ദിവസവും ഒമ്പതുപേർ എയ്ഡ്സ് രോഗികളായി മാറുന്നു. സംസ്ഥാന എയ്ഡ്സ് നിയന്ത്രണ സൊസൈറ്റി പുറത്തുവിട്ട കണക്കിലാണ് ഈ വിവരം.
25-34 പ്രായപരിധിയിൽ വരുന്നവരിൽ 42 ശതമാനത്തിലേറെ പേരും എച്ച്.ഐ.വി പോസിറ്റിവാണ്. ആകെ 10 ലക്ഷം പേരുള്ള മിസോറം രാജ്യത്തെ ഏറ്റവും ജനസംഖ്യ കുറഞ്ഞ സംസ്ഥാനം കൂടിയാണ്. 2018-19ൽ 2,557 പേർ എയ്ഡ്സ് രോഗികളായി. ആകെ എയ്ഡ്സ് രോഗികളിൽ 6,069 പേർ സ്ത്രീകളാണ്.
നേരേത്ത മയക്കുമരുന്നിന് അടിമകളായവരിലും ലൈംഗികത്തൊഴിലാളികളിലുമാണ് എയ്ഡ്സ് കൂടുതലായി കണ്ടെത്തിയിരുന്നതെങ്കിൽ ഇപ്പോൾ സമൂഹത്തിലെ ഉയർന്ന തട്ടിലുള്ളവരിലും എയ്ഡ്സ് ബാധിതരുണ്ട്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.