![AIIMS nurses Strike AIIMS nurses Strike](https://www.madhyamam.com/h-upload/2020/12/15/799270-aiims-nurses-go-on-indefinite-strike-over-better-salary.webp)
ഡൽഹി എയിംസിൽ നഴ്സുമാരുടെ സമരം ശക്തം; പൊലീസുമായുണ്ടായ സംഘർഷത്തിൽ നഴ്സുമാർക്ക് പരിക്ക്
text_fieldsന്യൂഡൽഹി: വിവിധ ആവശ്യങ്ങൾ ഉന്നയിച്ച് ഡൽഹി എയിംസിൽ നഴ്സുമാർ നടത്തിവരുന്ന സമരം ശക്തിപ്രാപിക്കുന്നു. സമരത്തിനിടെയുണ്ടായ സംഘർഷത്തിൽ മലയാളി നഴ്സുമാർ ഉൾപ്പെടെ നിരവധിപേർക്ക് പരിക്കേറ്റു. പൊലീസ് ബാരിക്കേഡ് മറിഞ്ഞുവീണ് ഒരു നഴ്സിന് പരിക്കേൽക്കുകയും ചെയ്തു.
പൊലീസും സമരക്കാരും തമ്മിൽ ഉന്തും തള്ളും വാക്കേറ്റവുമുണ്ടായി. പൊലീസ് സമരം ചെയ്യുന്ന സ്ഥലത്തെത്തി നഴ്സുമാരെ നീക്കാൻ ശ്രമിച്ചതാണ് സംഘർഷത്തിന് കാരണം.
ആറാം ശമ്പള പരിഷ്കരണ കമീഷൻ നിർദേശിച്ച ശമ്പളം നൽകുക തുടങ്ങിയ ആവശ്യങ്ങൾ ഉന്നയിച്ചാണ് നഴ്സുമാരുടെ സമരം. തിങ്കളാഴ്ച വൈകിട്ടാണ് എയിംസ് വളപ്പിൽ നഴ്സുമാർ അനിശ്ചിതകാല സമരം ആരംഭിച്ചത്. രാവിലെയും സമരം നീണ്ടതോടെ പൊലീസ് ഇടപെടുകയായിരുന്നു.
ഒ.പിയടക്കം ബഹിഷ്കരിച്ചാണ് സമരം. കേന്ദ്രസർക്കാർ ചർച്ച നടത്തി പരിഹാരം കാണണമെന്നാണ് നഴ്സുമാരുടെ ആവശ്യം.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.