വ്യാപാര യുദ്ധത്തിൽ നേട്ടം കൊയ്യാൻ എയർ ഇന്ത്യ; ചൈന ഒഴിവാക്കിയ ബോയിങ് വിമാനങ്ങൾ വാങ്ങിയേക്കുമെന്ന് റിപ്പോർട്ട്

ന്യൂഡൽഹി: യു.എസുമായുള്ള താരിഫ് യുദ്ധത്തിനിടെ ചൈന ഒഴിവാക്കിയ ബോയിങ് വിമാനങ്ങൾ എയർ ഇന്ത്യ വാങ്ങാനൊരുങ്ങുന്നുവെന്ന് റിപ്പോർട്ട്. 2019ലാണ് ചൈനീസ് എയർലൈൻസ് ബോയിങ് മാക്സ് ജെറ്റുകൾ വാങ്ങാനുള്ള കരാറിൽ ഒപ്പിട്ടത്. യു.എസ് പകരച്ചുങ്കം ഏർപ്പെടുത്തിയതോടെ കരാറിൽനിന്ന് പിന്മാറാനുള്ള നിലപാട് ചൈന സ്വീകരിക്കുകയായിരുന്നു. ഇതോടെ ഈ വിമാനങ്ങൾ സ്വന്തമാക്കാനുള്ള നീക്കത്തിലാണ് ടാറ്റ ഗ്രൂപ്പിന്റെ ഉടമസ്ഥതയിലുള്ള എയർ ഇന്ത്യ.

എന്നാൽ എ‍യർ ഇന്ത്യ അധികൃതരോ ബോയിങ് അധികൃതരോ ഇക്കാര്യത്തിൽ പ്രതികരിക്കാൻ തയാറായിട്ടില്ല. ബോയിങ് വിമാനങ്ങൾ സ്വന്തമാക്കാനായി മലേഷ്യൻ എയർലൈൻസും ശ്രമിക്കുന്നതായി സൂചനയുണ്ട്. യു.​എ​സ് ഉ​ൽ​പ​ന്ന​ങ്ങ​ൾ​ക്ക് ട്രം​പ് 125 ശ​ത​മാ​നം അ​ധി​ക നി​കു​തി പ്ര​ഖ്യാ​പി​ച്ച​തി​നെ തു​ട​ർ​ന്നാ​ണ് ചൈ​ന​യു​ടെ ഷി​യാ​മെ​ൻ എ​യ​ർ​ലൈ​ൻ​സി​നു​വേ​ണ്ടി ആ​വ​ശ്യ​പ്പെ​ട്ട ബോ​യി​ങ്ങി​ന്റെ 737 മാ​ക്സ് ജെ​റ്റ് വി​മാ​ന​ങ്ങൾ തി​രി​ച്ച​യ​ച്ച​ത്.

ബോ​യി​ങ് ഏ​റ്റ​വും അ​ധി​കം വി​ൽ​ക്കു​ന്ന വി​മാ​ന​മാ​ണ് 737 മാ​ക്സ് ജെ​റ്റ്. 55 ദ​ശ​ല​ക്ഷ​ത്തോ​ളം ഡോ​ള​റാ​ണ് വി​ല. മാ​ർ​ച്ച് വ​രെ​യു​ള്ള ക​ണ​ക്ക് പ്ര​കാ​രം ചൈ​ന​യിൽനിന്ന് 130 വി​മാ​ന​ങ്ങ​ൾക്ക് ഓ​ർ​ഡ​ർ ല​ഭി​ച്ചി​രു​ന്നു. എ​ന്നാ​ൽ, താ​രി​ഫ് ഉ​യ​ർ​ത്തി​യ പ​ശ്ചാ​ത്ത​ല​ത്തി​ൽ യു.​എ​സ് ക​മ്പ​നി​ക​ളി​ൽ​നി​ന്ന് വി​മാ​നം വാ​ങ്ങു​ന്ന​ത് താ​ൽ​ക്കാ​ലി​ക​മാ​യി നി​ർ​ത്താ​ൻ ക​മ്പ​നി​ക​ൾ​ക്ക് ചൈ​നീ​സ് സ​ർ​ക്കാ​ർ നി​ർ​ദേ​ശം ന​ൽ​കി​. വി​മാ​ന​ങ്ങ​ൾ​ക്കു പു​റ​മെ, വി​മാ​ന​ഭാ​ഗ​ങ്ങ​ൾ, ഘ​ട​ക​ങ്ങ​ൾ എ​ന്നി​വ​ വാങ്ങുന്നതിനും വി​ല​ക്കു​ണ്ട്.

നി​രോ​ധ​ന​ത്തെ തു​ട​ർ​ന്ന് ചൈ​നീ​സ് ക​മ്പ​നി​ക​ൾ യൂ​റോ​പ്യ​ൻ ക​മ്പ​നി​യാ​യ എ​യ​ർ ബ​സ്, ചൈ​നീ​സ് നി​ർ​മാ​താ​ക്ക​ളാ​യ കോ​മാ​ക് എ​ന്നി​വ​യെ ആ​ശ്ര​യി​ക്കേ​ണ്ടി​വ​രും. ചൈ​ന​യു​ടെ പി​ന്മാ​റ്റം അ​മേ​രി​ക്ക​ൻ ഓ​ഹ​രി വി​പ​ണി​യി​ൽ ബോ​യി​ങ്ങി​ന് ക​ന​ത്ത​ന​ഷ്ട​മാ​ണ് വ​രു​ത്തി​യ​ത്. ഓ​ഹ​രി മൂ​ല്യം മൂ​ന്നു ശ​ത​മാ​ന​ത്തി​ലേ​റെ ഇ​ടി​ഞ്ഞു.