സാ​േങ്കതിക തകരാർ: യാത്രക്കാർ വിമാനത്തിലിരുന്നത്​ മൂന്നു മണിക്കൂർ

മുബൈ: ഡൽഹിയിലേക്കുള്ള എയർ ഇന്ത്യ വിമാനത്തിനുള്ളിൽ യാത്രക്കാർ ഇരുന്നത്​ മൂന്നു മണിക്കൂർ. യാത്രക്കാർ കയറി ഇരുന്നശേഷം സാ​േങ്കതിക തകരാർ കണ്ടെത്തിയതിനെ തുടർന്നാണ്​  മൂന്നു മണിക്കൂറോളം സമയം ജീവനക്കാർക്കും യാത്രക്കാർക്കും റൺവേയിലുള്ള വിമാനത്തിൽ തന്നെ തുടരേണ്ടി വന്നത്​. എയർ ഇന്ത്യയുടെ ബോയിങ്​ 777 വിമാനമാണ്​ 282 യാത്രക്കാരുമായി മണിക്കൂറുകൾ മുംബൈ വിമാനത്താവളത്തിൽ കിടന്നത്​.

 മുംബൈ ഛത്രപതി ശിവജി അന്താരാഷ്​ട്ര വിമാനത്താവളത്തിൽ നിന്നും 11.15 ന്​ ന്യൂഡൽഹിയിലേക്ക്​ പുറപ്പെടേണ്ട വിമാനം  യാത്രതിരിച്ചത് 2.34 നായിരുന്നു.
തകരാർ പരിഹരിക്കുന്നതിന്​ മണിക്കൂറുകളോളം യാത്രക്കാരെ വിമാനത്തിൽ ഇരുത്തിയ സംഭവത്തിൽ അ​ന്വേഷണം നടത്തുമെന്ന്​ എയർ ഇന്ത്യ വക്താവ്​ അറിയിച്ചു.