കൊറോണ: ചൈനയിലുള്ളവരെ നാട്ടിലെത്തിക്കാൻ എയർ ഇന്ത്യയുടെ പ്രത്യേക വിമാനം

മുംബൈ: ചൈനയിലെ കൊറോണ ബാധിത മേഖലകളിൽ നിന്ന്​ ഇന്ത്യക്കാരെ നാട്ടിലെത്തിക്കാൻ എയർ ഇന്ത്യ പ്രത്യേക വിമാനമയക്ക ുന്നു. 423 യാത്രക്കാർക്ക്​ സഞ്ചരിക്കാൻ കഴിയുന്ന ജംബോ വിമാനമാണ്​ മുംബൈയിൽ നിന്ന്​ ചൈനയിലേക്ക്​ അയക്കുന്നത്​. വുഹാൻ പ്രവിശ്യയിലേക്കാണ്​ എയർ ഇന്ത്യ വിമാനമയക്കുന്നത്​.

വിദേശകാര്യമന്ത്രാലയം, ആരോഗ്യമന്ത്രാലയം തുടങ്ങിയവയുടെ അനുമതി ലഭിച്ചാൽ വിമാനം ചൈനയിലേക്ക്​ യാത്ര തിരിക്കും. ബോയിങ്​ 747-400 ശ്രേണിയിലുള്ള വിമാനമാണ്​ മുംബൈയിൽ യാത്രക്കായി തയാറാക്കിയിരിക്കുന്നത്​.

ഏകദേശം 250 പേരെ​യെങ്കിലും ചൈനയിൽ നിന്ന് അടിയന്തരമായി​ ഇന്ത്യയിലെത്തിക്കേണ്ടി വരുമെന്നാണ്​ കണക്കാക്കുന്നത്​. വൈറസ്​ ബാധയേറ്റ രാജ്യത്ത്​ പോകേണ്ടി വരുന്നത്​ കൊണ്ട്​ ആരോഗ്യമന്ത്രാലയത്തി​​​​െൻറ സുരക്ഷാ മാനദണ്ഡങ്ങൾ പാലിച്ച്​ മാത്രമേ വിമാനത്തിന്​ യാത്ര ചെയ്യാൻ സാധിക്കുകയുള്ളു.