വിമാനടിക്കറ്റ്​ റദ്ദാക്കൽ ചാർജ്​ കുറക്കണമെന്ന്​ വ്യോമയാന മന്ത്രി

ന്യൂഡൽഹി: വിമാനടിക്കറ്റുകൾ റദ്ദാക്കിയാൽ 3000 രൂപ പിഴ ഇൗടാക്കുന്ന നടപടി ഉടനടി അവസാനിപ്പിക്കാൻ വിമാനക്കമ്പനികളോട്​ ആവശ്യപ്പെടുമെന്ന്​ വ്യോമയാന മന്ത്രി ജയന്ത്​ സിൻഹ. 

ആഭ്യന്തര യാത്രകളിലെ റദ്ദാക്കൽ നിരക്ക്​ 3000 രൂപ വരെ പലകമ്പനികളും ഇൗടാക്കുന്നുണ്ട്​. ഇത്​ വൻ തുകയാണ്​. ന്യായമായ തുക മാത്രമേ ഇങ്ങനെ ഇൗടാക്കാവൂവെന്ന്​ കമ്പനികളോട്​ ആവശ്യപ്പെടുമെന്നും മന്ത്രി പറഞ്ഞു. 

പലപ്പോഴും ഇത്​ ടിക്കറ്റിനേക്കാൾ ഉയർന്ന നിരക്കാണ്​. നേരത്തെ ടിക്കറ്റ്​ ബുക്കു ചെയ്യുന്ന പ്രവണത കുറയുന്നതിനും ഇത്​ ഇടയാക്കുമെന്ന്​ മന്ത്രി പറഞ്ഞു.  ​