ശരത്​ പവാറി​​​െൻറ പ്രസ്​താവന: അജിത്ത്​ പവാർ അസംതൃപ്​തനല്ലെന്ന്​ എൻ.സി.പി നേതാവ്​

മുംബൈ: മകൻ പാർഥിനെ കുറിച്ചുള്ള അമ്മാവൻ ശരത്​ പവാറി​െൻറ പ്രസ്​താവനയിൽ അജിത്ത്​ പവാർ അസംതൃപ്​തനല്ലെന്ന്​ മുതിർന്ന എൻ.സി.പി നേതാവ് ചഗ്ഗൻ ഭുജിപാൽ​. ''പാർഥ്​ രാഷ്​ട്രീയത്തിൽ പുതിയ ആളാണ്​... അജിത്​ പവാർ അസംതൃപ്​തനല്ല'' -അദ്ദേഹം പറഞ്ഞു.

സുശാന്ത്​ സിങ് രജ്​പുതി​െൻറ മരണത്തിൽ സി.ബി.ഐ അന്വേഷണം വേണമെന്ന പാർഥ്​ പവാറി​െൻറ പ്രസ്​താവനയെ ശരത്​ പവാർ തള്ളിയിര​​ുന്നു. പാർഥ്​ പറഞ്ഞ കാര്യം തങ്ങൾ ഗൗരവത്തിലെടുക്കുന്നില്ലെന്നും അത്​ അപക്വമാണെന്നുമായിരുന്നു ശരത്​ പവാറി​െൻറ പ്രതികരണം.

ജൂൺ 14നായിരുന്നു സുശാന്ത്​ സിങ്ങിനെ മരിച്ച നിലയിൽ ക​ണ്ടത്​. സുശാന്ത്​ ആത്മഹത്യ ചെയ്​തതാണെന്നാണ്​ പൊലീസി​െൻറ ക​ണ്ടെത്തൽ. പിന്നീട്​ ഇത്​ വലിയ വിവാദമാവുകയും ബി.ജെ.പി സി.ബി.ഐ അന്വേഷണം ആവശ്യപ്പെടുകയും ചെയ്​തിരുന്നു. എന്നാൽ ഈ ആവശ്യത്തിൽ എൻ.സി.പിയുടെ സഖ്യകക്ഷിയായ ശിവസേന ഇതുവരെ അനുകൂല നിലപാട്​ എടുത്തിട്ടില്ല.

തനിക്ക്​ മഹാരാഷ്​ട്ര പൊലീസിനെയും മുംബൈ ​പൊലീസിനേയും 50 വർഷമായി അറിയാമെന്നും പൊലീസിൽ പൂർണ വിശ്വാസമുണ്ടെന്നുമായിരുന്നു ശരത്​ പവാർ ബുധനാഴ്​ച പ്രതികരിച്ചത്​. വിശദമായ അന്വേഷണത്തിന്​ ശേഷം ആർക്കെങ്കിലും സി.ബി.ഐയുടേയോ മറ്റ്​ ഏതെങ്കിലും ഏജൻസിയുടേയോ അന്വേഷണം വേണമെന്നുണ്ടെങ്കിൽ താൻ എതിർക്കില്ലെന്നും പവാർ പറഞ്ഞിരുന്നു.