കമൽനാഥിനോട് കലിയടങ്ങാതെ അഖിലേഷ്: 2024ലെ വിപ്ലവത്തിന് പി.ഡി.എ സഖ്യമെന്ന്

ന്യൂ​ഡ​ൽ​ഹി: മ​ധ്യ​പ്ര​ദേ​ശി​ൽ കോ​ൺ​ഗ്ര​സ് നേ​താ​വ് ക​മ​ൽ​നാ​ഥി​നോ​ടു​ള്ള നീ​ര​സം അ​ട​ങ്ങാ​തെ സ​മാ​ജ്‍വാ​ദി പാ​ർ​ട്ടി (എ​സ്.​പി) നേ​താ​വ് അ​ഖി​ലേ​ഷ് യാ​ദ​വ്. 2024ൽ ​പി.​ഡി.​എ (പിഛ്ഡാ-​ദ​ലി​ത്-​അ​ൽ​പ​സം​ഖ്യ​ക്) സ​ഖ്യ​മാ​യി​രി​ക്കും എ​ൻ.​ഡി.​എ​യെ പ​രാ​ജ​യ​പ്പെ​ടു​ത്തു​ക​യെ​ന്ന് അ​ദ്ദേ​ഹം വ്യ​ക്ത​മാ​ക്കി. ‘ഇ​ൻ​ഡ്യ’ സ​ഖ്യ​മു​ണ്ടാ​യ​ശേ​ഷം ഇ​താ​ദ്യ​മാ​യാ​ണ് പി​ന്നാ​ക്ക-​ദ​ലി​ത്-​ന്യൂ​ന​പ​ക്ഷ സ​ഖ്യ​മാ​യി​രി​ക്കും ബി.​ജെ.​പി​യെ പ​രാ​ജ​യ​പ്പെ​ടു​ത്തു​ക​യെ​ന്ന് അ​ഖി​ലേ​ഷ് പ​റ​യു​ന്ന​ത്.

മ​ധ്യ​പ്ര​ദേ​ശി​ൽ ആ​റു സീ​റ്റ് വാ​ഗ്ദാ​നം​ചെ​യ്ത​ശേ​ഷം പി​ന്നീ​ട് വാ​ക്കു​മാ​റി​യെ​ന്ന് ആ​രോ​പി​ച്ച് ക​മ​ൽ​നാ​ഥി​​നെ​തി​രെ അ​ദ്ദേ​ഹം രൂ​ക്ഷ​മാ​യി പ്ര​തി​ക​രി​ച്ചി​രു​ന്നു. സ​മാ​ജ്‍വാ​ദി പാ​ർ​ട്ടി പ്ര​വ​ർ​ത്ത​ക​ന്റെ ചി​ത്രം പ​ങ്കു​വെ​ച്ച അ​ഖി​ലേ​ഷ്, 2024ലെ ​തെ​ര​​ഞ്ഞെ​ടു​പ്പ് പി.​ഡി.​എ വി​പ്ല​വ​മാ​യി​രി​ക്കു​മെ​ന്ന് ഞാ​യ​റാ​​ഴ്ച ‘എ​ക്സി’​ൽ കു​റി​ച്ചു. ‘മി​ഷ​ൻ 2024. മു​ലാ​യം സി​ങ് അ​ന​ശ്വ​ര​നാ​കും. ഇ​ത്ത​വ​ണ അ​ഖി​ലേ​ഷ് യാ​ദ​വി​ന്റെ വി​ജ​യം പി.​ഡി.​എ ഉ​റ​പ്പാ​ക്കും. പാ​വ​ങ്ങ​ൾ​ക്ക് നീ​തി കി​ട്ടു​മെ​ന്ന് അ​ഖി​ലേ​ഷ് ഉ​റ​പ്പാ​ക്കും’ -ഇ​താ​യി​രു​ന്നു കു​റി​പ്പ്.

ഏ​റ്റ​വും കൂ​ടു​ത​ൽ ലോ​ക്സ​ഭ സീ​റ്റു​ക​ളു​ള്ള യു.​പി​യി​ൽ ബി.​ജെ.​പി​യെ പ​രാ​ജ​യ​പ്പെ​ടു​ത്താ​തെ അ​വ​രെ കേ​ന്ദ്ര ഭ​ര​ണ​ത്തി​ൽ​നി​ന്നി​റ​ക്കാ​ൻ ക​ഴി​യി​ല്ലെ​ന്ന തി​രി​ച്ച​റി​വി​ലാ​ണ് ‘ഇ​ൻ​ഡ്യ’ സ​ഖ്യം സ​മാ​ജ്‍വാ​ദി പാ​ർ​ട്ടി​യെ ചേ​ർ​ത്തു​പി​ടി​ച്ച​ത്. മാ​യാ​വ​തി​യു​ടെ ബി.​എ​സ്.​പി തു​ട​ക്കം മു​ത​ൽ പ്ര​തി​പ​ക്ഷ സ​ഖ്യ​ത്തോ​ട് പു​റം​തി​രി​ഞ്ഞു​നി​ന്ന​പ്പോ​ഴും അ​ഖി​ലേ​ഷ് സ​ഖ്യ​വു​മാ​യി സ​ഹ​ക​രി​ച്ചു. എ​ന്നാ​ൽ, ഇ​തി​നി​ട​യി​ൽ വ​ന്ന മ​ധ്യ​പ്ര​ദേ​ശ് നി​യ​മ​സ​ഭ തെ​ര​ഞ്ഞെ​ടു​പ്പാ​ണ് കാ​ര്യ​ങ്ങ​ൾ മാ​റ്റി മ​റി​ച്ച​ത്. യു.​പി​യോ​ട് അ​തി​രി​ടു​ന്ന എ​സ്.​പി​യു​ടെ സ്വാ​ധീ​ന മേ​ഖ​ല​ക​ളി​ൽ ആ​റു സീ​റ്റ് വി​ട്ടു​ത​രാ​മെ​ന്ന് ക​മ​ൽ​നാ​ഥ് ആ​ദ്യം വാ​ഗ്ദാ​നം ന​ൽ​കി പി​ന്നീ​ട് വാ​ക്കു​മാ​റു​ക​യാ​യി​രു​ന്നു​വെ​ന്നാ​ണ് ആ​രോ​പ​ണം.