അഖിലേഷ്​ യാദവ്​ ഒൗദ്യോഗിക വസതിയിൽ 10 ലക്ഷം രുപയുടെ നഷ്​ടം വരുത്തിയെന്ന്

ലക്​നോ: അഖിലേഷ്​ യാദവ്​ മുഖ്യമന്ത്രിയായിരുന്ന സമയത്ത്​ ഉപയോഗിച്ച ബംഗ്ലാവിൽ 10 ലക്ഷം രൂപയുടെ നഷ്​ടമുണ്ടായെന്ന്​ റിപ്പോർട്ട്​. സംസ്ഥാന എസ്​റ്റേറ്റ്​ ഒാഫീസർക്ക്​ പൊതുമരാമത്ത്​ വകുപ്പ്​ ചീഫ്​ എൻജീനിയർ എ.​െക ശർമ്മയാണ്​ റിപ്പോർട്ട്​ നൽകിയിരിക്കുന്നത്​.

266 പേജുള്ള റിപ്പോർട്ടിൽ ബംഗ്ലാവിനുണ്ടായ നഷ്​ടങ്ങൾ വിശദമായി പ്രതിപാദിക്കുന്നുണ്ട്​. ടൈൽസ്​, ഇലക്​ട്രിക്​ വയറിങ്​, സാനിറ്ററി എന്നിവക്കാണ്​ കൂടുതൽ നാശനഷ്​ടമുണ്ടായത്​. വിക്രമാദിത്യ മാർഗിലുള്ള ബംഗ്ലാവ്​ കഴിഞ്ഞ തവണ മുഖ്യമന്ത്രിയായപ്പോഴാണ്​ അഖിലേഷിന്​ അനുവദിച്ചത്​. മുഖ്യമന്ത്രി സ്ഥാനം നഷ്​ടമായതിന്​ ശേഷവും ബംഗ്ലാവ്​ ഒഴിയാൻ അഖിലേഷ്​ തയാറായിരുന്നില്ല. തുടർന്ന്​ സുപ്രീംകോടതി വിധി വന്നതിന്​ ശേഷമാണ്​​ ബംഗ്ലാവ്​ അഖിലേഷ്​ യാദവ്​ ഒഴിഞ്ഞത്​​.

ബംഗ്ലാവി​​​െൻറ ആദ്യത്തെ നിലയിൽ അഖിലേഷ്​ യാദവ്​ അറ്റകുറ്റപണി നടത്തിയിട്ടുണ്ട്​. ബംഗ്ലാവിലുണ്ടായ നഷ്​ടത്തി​​​െൻറ വിശദമായ വീഡയോഗ്രാഫി അധികൃതർ എടുത്തു​. നഷ്​ടപരിഹാരം ഇൗടാക്കാനായി  അഖിലേഷ്​ യാദവിന്​ നോട്ടീസ്​ അയക്കാനും സർക്കാർ തീരുമാനിച്ചു​.