യു.പിയിലെ ഉപമുഖ്യമന്ത്രിമാർ മുഖ്യമന്ത്രിയാകാൻ കാത്തിരുന്ന് നിരാശരായി -അഖിലേഷ് യാദവ്
text_fieldsറാംപൂർ: യു.പി ഉപമുഖ്യമന്ത്രിമാരായ കേശവ് പ്രസാദ് മൗര്യയെയും ബ്രജേഷ് പഥക്കിനെയും ട്രോളി സമാജ്വാദി പാർട്ടി നേതാവ് അഖിലേഷ് യാദവ്. ഇരുവരും മുഖ്യമന്ത്രിയാകാൻ അവസരം കാത്തിരുന്നതാണെന്നും എന്നാൽ നിരാശരായെന്നുമാണ് അഖിലേഷ് യാദവ് കളിയാക്കിയത്.
''രണ്ട് ഉപമുഖ്യമന്ത്രിമാരാണ് സംസ്ഥാനത്തുള്ളത്. രണ്ടുപേരും മുഖ്യമന്ത്രിയാകുന്നത് സ്വപ്നം കണ്ട് കഴിയുകയായിരുന്നു.''-എന്നാണ് സമാജ്വാദി സ്ഥാനാർഥിയെ പിന്തുണച്ച് ഉപതെരഞ്ഞെടുപ്പിന് മുന്നോടിയായി രാംപൂരിൽ നടന്ന പൊതുറാലിയിൽ സംസാരിക്കവെ അഖിലേഷ് പറഞ്ഞത്. ''അവർക്ക് ഒരു വലിയ വാഗ്ദാനം നൽകാൻ ഞങ്ങൾ തയാറാണ്. ഞങ്ങളിൽ നിന്ന് 100 എം.എൽ.എമാരെ എടുക്കുക, ഞങ്ങൾ നിങ്ങളോടൊപ്പമുണ്ട്, നിങ്ങൾ ആഗ്രഹിക്കുന്ന സമയത്ത് മുഖ്യമന്ത്രിയാകുക''-അഖിലേഷ് പറഞ്ഞു.
ഡിസംബർ അഞ്ചിനാണ് രാംപൂർ തെരഞ്ഞെടുപ്പ്. മെയിൻപുരി ഉപതെരഞ്ഞെടുപ്പിൽ അഖിലേഷിന്റെ ഭാര്യ ഡിംപിൾ യാദവ് മത്സരിക്കുന്നുണ്ട്. സമാജ്വാദി പാർട്ടിയുടെ ശക്തികേന്ദ്രമാണിത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.