'എന്തിനാണിത്ര തിടുക്കം? ഒരു തീരുമാനവും എടുത്തിട്ടില്ല'-ബി.ജെ.പിക്കൊപ്പം കൂട്ടുകൂടുന്നതിനെക്കുറിച്ച്​ അഴഗിരി

ചെന്നൈ: ബി.ജെ.പിയുമായി സഖ്യമുണ്ടാക്കുന്നതിനായി പുതിയ പാർട്ടി രൂപവ്​ത്​കരിക്കുമെന്ന മാധ്യമ റിപ്പോർട്ടുകൾ തള്ളിക്കളഞ്ഞ്​ കരുണാനിധിയുടെ മകനും ഡി.എം.കെ പ്രസിഡൻറ്​ എം.കെ. സ്റ്റാലി​െൻറ സഹോദരനുമായ എം.കെ. അഴഗിരി. ബി.ജെ.പിയുടെ തണലിൽ പുതിയ പാർട്ടി പ്രഖ്യാപിക്കാനൊരുങ്ങുകയാണ്​ അഴഗിരിയെന്നും ഇതിനായി കേന്ദ്ര ആഭ്യന്തര മന്ത്രി അമിത്​ഷാ നവംബർ 21ന്​ ചെന്നൈയിലെത്തു​േമ്പാൾ ചർച്ച നടത്തുമെന്നുമുള്ള റിപ്പോർട്ടുകൾ 'ദ പ്രിൻറ്​' വെബ്​സൈറ്റിനു നൽകിയ അഭിമുഖത്തിൽ അഴഗിരി നിഷേധിച്ചു.

'ഇതെല്ലാം ​േകവലം അഭ്യൂഹങ്ങൾ മാത്രമാണ്​. ഉചിതമായ സമയം വരു​േമ്പാൾ ഔദ്യോഗിക പ്രഖ്യാപനം നടത്തുന്നതിന്​ എനിക്ക്​ മടിയൊന്നുമില്ല. ഇതുവരെ അത്തരത്തിൽ ഒരു തീരുമാനവും എടുത്തിട്ടില്ല. എന്തിനാണിത്ര തിടുക്കം? എന്താണ്​ സംഭവിക്കുന്നതെന്ന്​ നമുക്ക്​ കാത്തിരുന്ന്​ കാണാം' -അഴഗിരി പറഞ്ഞു. 2021​െല നിയമസഭാ തെരഞ്ഞെടുപ്പിന്​ ശേഷം സഹോദരൻ സ്​റ്റാലിൻ നയിക്കുന്ന ഡി.എം.കെയിൽ വലിയ പിളർപ്പുണ്ടാകുമെന്നും അഴഗിരി പറഞ്ഞു. നേതൃത്വത്തി​െൻറ അഭാവം നിഴലിക്കുന്ന ഡി.എം.കെയിൽ വലിയ ഉൾപ്പോരാണിപ്പോൾ നടക്കുന്നതെന്നും അദ്ദേഹം ആരോപിച്ചു.

ഭാവി പദ്ധതികൾ എന്തൊക്കെയാണെന്ന ചോദ്യത്തിന്​ സംസ്​ഥാനത്തെ രാഷ്​ട്രീയ ട്രെൻഡ്​ പഠിക്കുകയാണെന്നും അതിനനുസരിച്ച്​ തക്കസമയത്ത്​ ഉചിതമായ തീരുമാനം കൈക്കൊള്ളുമാണെന്നുമായിരുന്നു മറുപടി. ഒരു പുതിയ പാർട്ടിക്ക്​ തമിഴ്​നാട്ടിൽ ഇടമുണ്ടെന്നാണ്​ താൻ കരുതുന്നതെന്നും മുൻ ഡി.എം.കെ നേതാവ്​ പറയുന്നു. '1967ൽ ആളുകൾ കരുതിയത്​ ഒരു പാർട്ടിയെന്ന നിലയിൽ ഉയർന്നു വരാൻ ഡി.എം.കെക്ക്​ കഴിയില്ലെന്നാണ്​. രാഷ്​ട്രീയ കക്ഷിയെന്ന നിലയിൽ ഉയർന്നുവന്നുവെന്ന്​ മാത്രമല്ല, എ​െൻറ പിതാവി​െൻറ കീഴിൽ അത്​ കൂടുതൽ കരുത്താർജിച്ചുകൊണ്ടിരുന്നു. ബി.ജെ.പി ഇപ്പോൾ തമിഴ്​നാടിൽ കടന്നുകയറാനുള്ള നീക്കങ്ങളിലാണ്​. അവർ കഠിനമായി ശ്രമിക്കുന്നുണ്ട്​. നമുക്ക്​ കാത്തിരുന്ന്​ കാണാം'- അഴഗിരി കൂട്ടിച്ചേർത്തു.

അതേസമയം, അമിത്ഷാ​യുമായി അഴഗിരി കൂടിക്കാഴ്​ച നടത്തിയേക്കുമെന്നാണ്​ അദ്ദേഹവുമായി അടുത്ത വൃത്തങ്ങൾ നൽകുന്ന സൂചന. ആ കൂടിക്കാഴ്​ചയിൽ കാര്യങ്ങൾ അനുകൂലമാണെങ്കിൽ ഈ മാസാവസാനം മധുരയിൽ പാർട്ടി പ്രഖ്യാപനം നടത്താനാണ്​ അഴഗിരിയും കൂട്ടരും ആലോചിക്കുന്നത്​. ബി.ജെ.പിയുമായി ചർച്ചകൾ നടക്കു​ന്നുണ്ടെന്ന്​ അഴഗിരിയുമായി ബന്ധപ്പെട്ടവരെ ഉദ്ധരിച്ച്​ വാർത്തകൾ പുറത്തുവരുന്നുണ്ടെങ്കിലും തമിഴ്​നാട്​ ബി.ജെ.പി നേതൃത്വം ഔദ്യോഗികമായി​ സ്​ഥിരീകരിച്ചിട്ടില്ല. മധുര മേഖലയിൽ നല്ല അടിത്തറയുള്ള അഴഗിരിയെ തങ്ങൾക്കൊപ്പം നിർത്തുന്നത്​ ഗുണമാകുമെന്ന്​ തന്നെയാണ്​ പാർട്ടിയുടെ കണക്കുകൂട്ടൽ.

സ്​റ്റാലി​െൻറ നേതൃത്വത്തിൽ ഡി.എം.കെ നയിക്കുന്ന മുന്നണി അധികാരത്തിലെത്തുന്നത്​ തടയാൻ എ.​ഐ.എ.ഡി.എം.കെയുമായുള്ള സഖ്യം മതിയാകാതെ വരുമെന്നാണ്​ ബി.ജെ.പി കരുതുന്നത്​. എ.​െഎ.എ.ഡി.എം.കെയുമായി ബി.ജെ.പിക്ക്​ അഭിപ്രായവ്യതാസങ്ങളും വർധിച്ചു വരുന്നുണ്ട്​. വിവിധ കക്ഷികളിലെ നേതാക്കളെ കൂറുമാറ്റി കൂടെ ചേർക്കുന്നതിനുള്ള ശ്രമങ്ങൾ ഇൗ സാഹചര്യത്തിൽ ബി.ജെ.പി സജീവമാക്കിയിട്ടുണ്ട്​. നടിയും കോൺഗ്രസ്​ നേതാവുമായിരുന്ന ഖുശ്ബുവിനെ ബി.​െജ.പി പാർട്ടിയിലെത്തിച്ചിരുന്നു. ​

അഴഗിരി ഒരു കാലത്ത് ഡി.എം.കെയുടെ ശക്തനായ നേതാവും സംസ്ഥാനത്തെ തെക്കന്‍ ജില്ലകളുടെ ചുമതലക്കാരനുമായിരുന്നു. 2014ൽ പാര്‍ട്ടി വിരുദ്ധ പ്രവർത്തനത്തിന്​ ഡി.എം.കെ അഴഗിരിയെ പുറത്താക്കുകയായിരുന്നു. ശേഷം ആറ് വര്‍ഷമായി രാഷ്ട്രീയത്തില്‍ സജീവമല്ല. പുതിയ പാര്‍ട്ടിയുണ്ടാക്കിയാൽ 'കലൈഞ്ജര്‍ ഡി.എം.കെ' അഥവാ 'കെ.ഡി.എം.കെ' എന്നായിരിക്കും പേരെന്നാണ് സൂചനകൾ. അഴഗിരിയുടെ മകന്‍ ദയാനിധിയും പുതിയ പാര്‍ട്ടിയിലെ നിർണായക സ്​ഥാനത്തുണ്ടാകുമെന്നാണ്​ റിപ്പോര്‍ട്ടുകള്‍.